ସାପ ଖେଳାଉଥିଲେ, ବେକରେ ଗୁଡାଇ ହୋଇ ନେଇଗଲା ଜୀବନ

ନୂଆଦିଲ୍ଲୀ : ଝାରଖଣ୍ଡର ଜାମଶେଦପୁରର ପଟମଦାର ରପଚା ଗାଁରେ ରହୁଥିବା ୫୨ ବର୍ଷୀୟ ହେମନ୍ତଙ୍କ ମୃତ୍ୟୁର କାହାଣୀ ଏବେ ସମସ୍ତଙ୍କୁ ଚକିତ କରୁଛି । ସାପ ଖେଳାଇ ନିଜ ଗୁଜୁରାଣ ମେଣ୍ଟାଉଥିବା ହେମନ୍ତଙ୍କୁ ତାଙ୍କ ପାଳିତ ଅଜଗର ସାପ ବେକରେ ଗୁଡାଇ ହୋଇ ଜୀବନ ନେଇଛି ।

सबक। जंगली जानवरों और सांपों से खेल नहीं करें।
जमशेदपुर के मानगो में बोड़ाम निवासी हेमंत सिंह झोले में #Python अजगर लेकर आया और गले में सांप लपेटकर करतब दिखाने लगा। इस क्रम में अजगर ने उसकी गर्दन को जकड़ लिया और तब तक जकड़े रखा, जब तक उसकी मौत नहीं हो गई।@JharkhandVan pic.twitter.com/B4x3CwQ1VX

— Wildlife Protection Society of Jharkhand (@wpsjharkhand) August 29, 2024

ସବୁଦିନ ପରି ସେ ସାପ ନେଇ କାମକୁ ବାହାରିଥିଲେ । କିନ୍ତୁ ସାପଟି ତାଙ୍କ ବେକରେ ଗୁଡାଇ ହୋଇଗଲା । ଧିରେ ଧିରେ ସେ ଅଣନିଶ୍ବାସୀ ହୋଇ ତଳେ ପଡିଗଲେ । ନିକଟରେ ଥିବା ଲୋକେ କେହି ବି ଉଦ୍ଧାର କରିବାକୁ ସାହସ ଜୁଟାଇପାରିଲେନି । ଶେଷରେ ହେମନ୍ତଙ୍କ ପ୍ରାଣବାୟୁ ଉଡିଯାଇଥିଲା । ଏହା ପରେ ସାପଟି ଏଣେତେଣେ ଚଳପ୍ରଚଳ କରିଥିଲା । ଏହା ଦେଖି ଲୋକେ ଭୟରେ ଦୌଡି ପଳାଇଥିଲେ । ତେବେ ଏହି ଦୃଶ୍ୟର କିଛି ଫଟୋ ସାମାଜିକ ଗଣମାଧ୍ୟମରେ ଭାଇରାଲ ହେବାରେ ଲାଗିଛି । ସୂଚନା ପାଇ ପୁଲିସ ଘଟଣାସ୍ଥଳରେ ପହଞ୍ଚିଥିଲା । ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଥିଲା ପୁଲିସ ।

ସ୍ଥାନୀୟ ଲୋକଙ୍କ କହିବାନୁସାରେ ହେମନ୍ତ ଅନେକ ବର୍ଷ ଧରି ଜଙ୍ଗଲରେ ସାପ ଧରନ୍ତି ଏବଂ ସହରକୁ ଆଣି ଲୋକଙ୍କୁ ମନୋରଞ୍ଜନ କରି କିଛି ପଇସା ଆୟ କରନ୍ତି । ୪ ଦିନ ପୂର୍ବରୁ ସେହି ଅଜଗରକୁ ସେ ବେକରେ ପକାଇ ଖେଳ ଦେଖାଇଥିଲେ । କିନ୍ତୁ ଏବେ ଏମିତି ଅଚାନକ ଘଟିବ ବୋଲି କେହି କଳ୍ପନା କରିନଥିଲେ ।