ପୁରୀ : ଗାଁଠୁ ସହର ଜମିଛି ତାସଖେଳ। କେତେକ ସ୍ଥାନରେ ଜନ୍ତାଳ ସମେତ ଭୋଜି ହେଉଥିବା ଦେଖିବାକୁ ମିଳିଛି। ଲକ୍ଡାଉନ କଟକଣା ଯୋଗୁଁ କାମଧନ୍ଦା ବନ୍ଦ ହୋଇଥିବାରୁ ସକାଳୁ ରାତିଯାଏ ଲୋକେ ତାସଖେଳରେ ମାତିଛନ୍ତି। ଅନ୍ୟ ଅଞ୍ଚଳ ଲୋକଙ୍କ ପ୍ରବେଶ ସମ୍ପୂର୍ଣ୍ଣ ବନ୍ଦ କରାଯାଇଛି। ଏଥିପାଇଁ ଗାଁମୁଣ୍ଡରେ ଗଛ ପକାଯାଇ ରାସ୍ତା ବନ୍ଦ କରାଯାଇଛି। କେତେକ ଗାଁକୋଠ ଘଣ୍ଟାବାଡେଇ ହୁଲିଆ ଜାରି କରିଛନ୍ତି। ଦେଶ ତଥା ରାଜ୍ୟ ବାହାରୁ ଫେରିଥିବା ବ୍ୟକ୍ତିଙ୍କୁ ଗାଁରେ ପୁରାଇ ନଦେବାକୁ ଗ୍ରାମ କମିଟି ନିର୍ଦେଶନାମା ଜାରି କରିଛି। ରେସନକାର୍ଡ ଥିବା ପରିବାରକୁ ସରକାର ୩ମାସର ଚାଉଳ ସମେତ ୧୦୦୦ଟଙ୍କା ଲେଖାଏ ଯୋଗାଇ ଦେଇଛନ୍ତି। ନିର୍ମାଣ ଶ୍ରମିକଙ୍କୁ ୧୫ଶହ ଟଙ୍କା ଲେଖାଏ ଦିଆଯାଉଛି। ଏହାଛଡା ବିଧବା, ବାର୍ଦ୍ଧକ୍ୟ, ଭିନ୍ନକ୍ଷମ ଭତ୍ତା ପ୍ରଦାନ କରାଯାଇଛି। ତେବେ ଅନ୍ୟ ଦୁଆରେ କାମକରି ଏବଂ ଛୋଟ ଦୋକାନଟିଏ କରି ପରିବାର ପୋଷୁଥିବା ଲୋକଙ୍କ ଦୁର୍ଦଶା ଦେଖିବାକୁ ମିଳିଛି। ଖାଉଟିକାର୍ଡ ନଥିବା ଗରିବ ଲୋକଙ୍କ ଚଳିବା କଷ୍ଟସାଧ୍ୟ ହୋଇପଡିଛି। କେବଳ ଗାଁ ନୁହେଁ, ସହରାଞ୍ଚଳର ଝୁମ୍ପୁଡିବସ୍ତି ସମେତ କେତେକ ସାହିରେ ଲୋକେ ତାସଖେଳୁଥିବା ଦେଖିବାକୁ ମିଳିଛି। ଏଥିଯୋଗୁଁ ସାମାଜିକ ଦୂରତ୍ବ କଟକଣା ଖୋଲାଖୋଲି ଉଲ୍ଲଙ୍ଘନ କରାଯାଉଛି। ରେସନକାର୍ଡ ନଥିବା ଏବଂ ବାର୍ଦ୍ଧକ୍ୟଭତ୍ତା କିମ୍ବା ନିର୍ମାଣ ଶ୍ରମିକ ଯୋଜନାରେ ସାମିଲ ହୋଇନଥିବା ଗରିବ ଲୋକଙ୍କୁ ରାଜ୍ୟ ସରକାରଙ୍କ ପକ୍ଷରୁ ସ୍ବତନ୍ତ୍ର ସହାୟତା ଯୋଗାଇ ଦିଆଯିବାକୁ ଦାବି ହେଉଛି
Popular Categories
Previous article
Next article