କେନ୍ଦୁଝରଗଡ଼ : କେନ୍ଦୁଝର ପୁରୁଣାବଜାର ସୁନ୍ନି ଜୁମା ମସଜିଦ୍ରେ ଗୁରୁବାର ଆନନ୍ଦଉଲ୍ଲାସର ସହ ମହାପୁରୁଷ ମହମ୍ମଦଙ୍କ ଜନ୍ମଜୟନ୍ତୀ ପାଳିତ ହୋଇଯାଇଛି । ଏହି ଅବସରରେ ପୁରୁଣାବଜାର ଜୁମ୍ମା ମସଜିଦ୍ରେ ଏକ ସମୂହ ପ୍ରାର୍ଥନା ଅନୁଷ୍ଠିତ ହୋଇ ମହମ୍ମଦଙ୍କ ଜୀବନୀ ଏବଂ ମହାନ୍ ମାନବୀୟ କାର୍ଯ୍ୟଧାରା ସମ୍ପର୍କରେ ବର୍ଣ୍ଣନା କରାଯାଇଥିଲା। ଇସ୍ଲାମ ଧର୍ମାବଲମ୍ବୀ ମାନଙ୍କ ମଧ୍ୟରେ ଲଙ୍ଗର ଖାନା ଅନୁଷ୍ଠିତ ହେବାପରେ ମକ୍କା-ମଦିନାର ପ୍ରତିକୃତି ସହିତ ସହସ୍ରାଧିକ ଇସ୍ଲାମ ଧର୍ମାବଲମ୍ବୀ ମହିଳା ଓ ପୁରୁଷ ଶୋଭାଯାତ୍ରାରେ ବାହାରି କେନ୍ଦୁଝର ସହର ପରିକ୍ରମା ପରେ ଜୁମ୍ମା ମସ୍ଜିଦରେ ଶେଷ ହୋଇଥିଲା। ପୁଲିସ ପ୍ରଶାସନ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଥିଲା।
Comments are closed.