ନୂଆଦିଲ୍ଲୀ : ଲୋକସଭା ନିର୍ବାଚନ ପ୍ରଚାର ପାଇଁ ବିଜେପି ୩ ମାସ ପୂର୍ବରୁ ୨୦ଟି ଘରୋଇ ବିମାନ ଏବଂ ୩୦ଟି ହେଲିକପ୍ଟର ବୁକ୍ କରିଛି। କଂଗ୍ରେସର ନିର୍ବାଚନୀ ପ୍ରଚାରକୁ ପ୍ରଭାବିତ କରିବା ପାଇଁ ବିଜେପି ଏପରି କରିଛି ବୋଲି ବ୍ଲୁମବର୍ଗ ରିପୋର୍ଟରେ ପ୍ରକାଶ ପାଇଛି।
ରିପୋର୍ଟ ଅନୁସାରେ ଭାରତରେ ନିର୍ବାଚନୀ ପ୍ରଚାର ସମୟରେ ଚାହିଦାକୁ ମେଣ୍ଟାଇବା ଭଳି ଘରୋଇ ବିମାନ ଏବଂ ହେଲିକପ୍ଟର ନାହିଁ। ବିଜେପି ନିର୍ବାଚନୀ ପ୍ରଚାର ଆରମ୍ଭର ବହୁ ପୂର୍ବରୁ ୨୦ଟି ଘରୋଇ ବିମାନ ଏବଂ ୩୦ ହେଲିକପ୍ଟର ବୁକ୍ କରିଥିଲା ବେଳେ କଂଗ୍ରେସ ମାତ୍ର ୧୦ଟି ବୁକ୍ କରିପାରିଛି। ବିଜନେସ ଏୟାରକ୍ରାଫ୍ଟ ଅପରେଟର ଆସୋସିଏସନ ପରାମର୍ଶତାଦା ତଥା ମାର୍ଟିନ କନସଲ୍ଟାନ୍ସିର ପ୍ରତିଷ୍ଠାତା ମାର୍କ ମାର୍ଟିନ କହିଛନ୍ତି ଯେ ସାଧାରଣ ନିର୍ବାଚନ ବେଳେ ବିରୋଧୀଙ୍କୁ ପ୍ରଭାବିତ କରିବା ପାଇଁ ରାଜନୈତିକ ଦଳଗୁଡ଼ିକ ସବୁପ୍ରକାର ପ୍ରୟାସ କରିଥାନ୍ତି। ଏହି କ୍ରମରେ ବିରୋଧୀଙ୍କ ନିର୍ବାଚନୀ ପ୍ରଚାରକୁ ପ୍ରଭାବିତ କରିବା ପାଇଁ ଗୋଟିଏ ଦଳ ଘରୋଇ ବିମାନଗୁଡ଼ିକୁ ବହୁ ପୂର୍ବରୁ ବୁକ୍ କରିନେଇଛି। ଘରୋଇ ବିମାନଗୁଡ଼ିକୁ ୪୫ ଦିନ ପାଇଁ ବୁକ୍ କରାଯାଇଥାଏ। ଘରୋଇ ବିମାନର ଭଡ଼ା ୫୭୦୦୦ ଡଲାର (ପ୍ରାୟ ୪ ଲକ୍ଷ ଟଙ୍କା) ଓ ହେଲିକପ୍ଟରର ଭଡ଼ା ୭,୨୦୦ ଡଲାର (ପ୍ରାୟ ୫ ଲକ୍ଷ ଟଙ୍କା) ପ୍ରତି ଘଣ୍ଟା ରହିଥାଏ।
ବିଜନେସ ଏୟାରକ୍ରାଫ୍ଟ ଅପରେଟର ଆସୋସିଏସନର ଏମ୍ଡି ଆରକେ ବଲି କହିଛନ୍ତି ଯେ ଘରୋଇ ବିମାନ ବେପାର ପ୍ରଥମେ ଆସ ପ୍ରଥମେ ନିଅ ନୀତି ଆଧାରରେ ରହିଛି। ଏଥିପାଇଁ କୌଣସି ଦଳ ସହ କିଛି ବି ବୁଝାମଣା ହୋଇନାହିଁ। ନିର୍ବାଚନୀ ସମୟରେ ହିଁ ଏୟାରକ୍ରାଫ୍ଟ କମ୍ପାନୀ ନିଜ କ୍ଷତିର ଭରଣା କରିଥାନ୍ତି।
ନର୍ବାଚନୀ ପ୍ରଚାର ପାଇଁ ୩ ମାସ ପୂର୍ବରୁ ବିଜେପି ବୁକ୍ କରିଛି ୨୦ ଘରୋଇ ବିମାନ ଓ ୩୦ ହେଲିକପ୍ଟର
Popular Categories
Previous article
Next article