ତିଗିରିଆ : ତିଗିରିଆ ନିଜିଗଡ଼ସ୍ଥିତ ପ୍ରସନ୍ନ ପୁରୁଷୋତ୍ତମ ଦେବ ମହାବିଦ୍ୟାଳୟ ଏନ୍ ଏସ୍ ଏସ୍ (ସହ ବିଭାଗ) ଆନୁକୁଲ୍ୟରେ ମୋ ମାଟି ମୋ ଦେଶ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମ ୭ ଦିନ ଧରି ଚାଲିଥିବା ବେଳେ ‘ବସୁଧା ବନ୍ଦନ’ ଯୋଜନାରେ ନୂଆଗଡ଼ ଶବରସାହି, ନିଜିଗଡ଼ ହରିଜନସାହି, ପ୍ରଭୁ ପ୍ରସନ୍ନମଣିଙ୍କ ମନ୍ଦିର ପ୍ରାଙ୍ଗଣ, ନିଜିଗଡ଼ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଓ ପିପି ଦେବ ମହାବିଦ୍ୟାଳୟ ପରିସରରେ ବୃକ୍ଷ ଚାରା ରୋପଣ କରାଯଇଥିଲା । ସେହିପରି ‘ବୀରୋଂ କା ବନ୍ଦନ’ ଶିଳା ଫଳକ ଯୋଜନାରେ ପୁରୁଣା ତିଗିରିଆର ସହିଦ ଯବାନ ପ୍ରଦ୍ୟୁମ୍ନ କୁମାର ରଣାଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରାଯାଇ ଥିଲା। ସେହିପରି ଅବସରପ୍ରାପ୍ତ ସେନା କର୍ମଚାରୀ ବିରଞ୍ଚି ନାରାୟଣ ମିଶ୍ର, ନାଏକ ନାସିର ଅଲି ଖାଁ ଓ ସୁଦର୍ଶନ ମାଝୀଙ୍କୁ ବୀର ବନ୍ଦନା ଗାନ କରି ଅଭ୍ୟର୍ଥନା ଦିଆଯାଇଥିଲା। କାର୍ଯ୍ୟକ୍ରମକୁ ଯୋଜନା ଅଧିକାରୀ ଡଃ ପତିତପାବନ ପଣ୍ଡା ପରିଚାଳନା କରିଥିବା ବେଳେ ଅଧକ୍ଷା ଡଃ ସୁଧାଂଶୁ ବାଳା ଦାସ, ପ୍ରାଧ୍ୟାପକ ବିଜୟ କୁମାର ବେହେରା ପ୍ରମୁଖଙ୍କ ସହିତ ସମସ୍ତ ଅଧ୍ୟାପକ, ଅଧ୍ୟାପିକା ଓ କର୍ମଚାରୀ ଉପସ୍ଥିତ ରହିଥିଲେ।
Comments are closed.