ଗଞ୍ଜାମ: ଗଞ୍ଜାମ ବ୍ଲକ ପାଳିବନ୍ଧ ପଞ୍ଚାୟତ ଅନ୍ତର୍ଗତ ମୟୁରପଦାଠାରେ ବନ୍ଧୁତ୍ଵପୂର୍ଣ୍ଣ ଏକ ଦିବସୀୟ କ୍ରିକେଟ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଯାଇଛି । ଅଂଶଗ୍ରହଣକାରୀ ପ୍ରତ୍ୟେକ ଦଳ ଗୋଟିଏ ଲେଖାଏଁ ବିଜୟ ହାସଲ କରିଥିଲେ। ତେଣୁ ନେଟ ରନରେଟ ଭିତ୍ତିରେ ପାୱାର ହିଟର୍ସ ଏବଂ ଇଗଲ ଏକାଦଶ ଦଳ ମଧ୍ୟରେ ଫାଇନାଲ ମ୍ୟାଚ ଅନୁଷ୍ଠିତ ହୋଇଥିଲା। ଫାଇନାଲରେ ପ୍ରଥମେ ବ୍ୟାଟିଂ କରି ପାୱାର ହିଟର୍ସ ନିର୍ଦ୍ଧାରିତ ୮ ଓଭରରେ ୯୬ ରନ କରିଥିଲା। ଇଗଲ ଏକାଦଶ ୯୭ ରନର ବିଜୟ ଲକ୍ଷ୍ୟକୁ ପିଛା କରି ୮ ଓଭରରେ ୭୦ ରନ୍ କରି ପରାସ୍ତ ହୋଇଥିଲା। ପାୱାର ହିଟର୍ସ ୨୬ ରେ ବିଜୟୀ ହୋଇଥିଲା। ଟୁର୍ଣ୍ଣାମେଣ୍ଟରେ ମ୍ୟାନ ଅଫ ଦ ମ୍ୟାଚ ଭାବେ ସି.ଏଚ ମୋହନ ଏବଂ ସିରିଜ ଏ. ପ୍ରକାଶ ଚନ୍ଦ୍ର ରେଡ୍ଡୀଙ୍କୁ ବିବେଚିତ କରାଯାଇଥିଲା । ବିଜୟୀ ଦଳକୁ ମୁଖ୍ୟଅତିଥି ପୂର୍ବତନ ଉପବାଚସ୍ପତି ରାମଚନ୍ଦ୍ର ପଣ୍ଡା ପୁରସ୍କୃତ କରିଥିଲେ। ସମ୍ମାନିତ ଅତିଥି ଭାବେ ହୁମ୍ମା ସମିତି ସଭ୍ୟ ଦ୍ରୁବଚରଣ ପଲାଇ, ସୁନିଲ ପ୍ରଧାନ, ସମାଜସେବୀ ସଂଜୟ ସ୍ବାଇଁ, ତ୍ରିପତି ଆଚାରି, ପ୍ରମୋଦ ପ୍ରଧାନ, ଧରଣୀ ରେଡ୍ଡୀ ଏବଂ ବାଉରୀବନ୍ଧୁ ରେଡ୍ଡୀ ଉପସ୍ଥିତ ଥିଲେ । କ୍ରିଷ୍ଣା ରେଡ୍ଡୀ , ଟୁକୁନା ରେଡି ଏବଂ ପି. ମୋହନ ଖେଳ ପରିଚାଳନା କରିଥିବାବେଳେ, ଏ. ଦିବାକର ଧାରାବିବରଣୀ ପ୍ରଦାନ କରିଥିଲେ।
Comments are closed.