ସମାଜ ଡିଜିଟାଲ ଡେସ୍କ: ନବୀନ ପଟ୍ଟନାୟକ ବିଜେଡିର ସଭାପତି ଭାବେ ୯ମ ଥର ପାଇଁ ନିର୍ବାଚିତ ହେବା ପରେ ସୋମବାର ଦଳର ସାଙ୍ଗଠନିକ କର୍ମକର୍ତ୍ତା ତଥା ରାଜନୈତିକ ବ୍ୟାପାର କମିଟି (ପଲିଟିକାଲ ଆଫାୟାର୍ସ କମିଟି) ଗଠନ କରାଯାଇଛି। କମିଟିର ବିଭିନ୍ନ ପଦପଦବୀରେ ନେତାମାନଙ୍କୁ ନିଯୁକ୍ତ କରାଯାଇଛି। ଏ ନେଇ ବିଜେଡି ସଭାପତି ନବୀନ ପଟ୍ଟନାୟକ ସୋମବାର ଘୋଷଣା କରିଛନ୍ତି।
ବରିଷ୍ଠ ଉପସଭାପତି ଭାବେ ୫ ଜଣଙ୍କୁ ଚୟନ କରାଯାଇଥିବାବେଳେ ୧୦ ଜଣଙ୍କୁ ଉପସଭାପତି ପଦରେ ଅବସ୍ଥାପିତ କରାଯାଇଛି। ୩୫ ଜଣଙ୍କୁ ସାଧାରଣ ସମ୍ପାଦକ ଦାୟିତ୍ଵ ଦିଆଯାଇଛି। ବଦ୍ରି ନାରାୟଣ ପାତ୍ରଙ୍କୁ ଶିକ୍ଷା ଓ ଶିକ୍ଷକ ସେଲ, ମଙ୍ଗଳା କିଷନଙ୍କୁ ଆଦିବାସୀ ସେଲ, ଅରୁଣ ସାହୁଙ୍କୁ ଓବିସି ସେଲ୍ ଦାୟିତ୍ଵ ଦିଆଯାଇଛି। କମିଟି ରାଜ୍ୟ, ଜିଲ୍ଲା ଓ ବ୍ଲକ ସ୍ତରରେ କ୍ରିୟାଶୀଳ ହୋଇପାରିବ। ଏଥିସହ ସଂଖ୍ୟାଲଘୁ କମିଟି ମଧ୍ୟ ଘୋଷଣା କରାଯାଇଛି। ଏଥିରେ ଦିଲୀପ ତିର୍କୀଙ୍କୁ ସଂଯୋଜକ ଭାବରେ ଦାୟିତ୍ଵ ଦିଆଯାଇଛି।
Comments are closed.