ଚଢ଼ାଉ ବେଳେ ପୁଲିସ ଟିମକୁ ଆକ୍ରମଣ, ୨୬ ପୁଲିସ କର୍ମଚାରୀ ଆହତ

ସମାଜ ଡିଜିଟାଲ ଡେସ୍କ: ଗଞ୍ଜେଇ କାରବାର ଚାଲିଥିବା ଖବର ପାଇ ଚଢ଼ାଉ କରିବାକୁ ଯାଇଥିବା ପୁଲିସ କର୍ମଚାରୀଙ୍କ ଉପରକୁ ଆକ୍ରମଣ ହୋଇଛି। ଏହି ଆକ୍ରମଣରେ ୨୬ ପୁଲିସ କର୍ମଚାରୀ ଆହତ ହୋଇଛନ୍ତି। ଆକ୍ରମଣକାରୀ ପୁଲିସ କର୍ମଚାରୀଙ୍କ ୫ଟି ଗାଡ଼ି ଭଙ୍ଗାରୁଜା କରିଥିବା ଜଣାପଡ଼ିଛି। ଗଜପତି ଜିଲା ମୋହନା ବ୍ଲକ ଅନ୍ତର୍ଗତ ଯୁବ ଗ୍ରାମ ନିକଟରେ ଗୁରୁବାର ରାତିରେ ଏହି ଘଟଣା ଘଟିଥିବା ସୂଚନା ମିଳିଛି।

ଗ୍ରାମ ନିକଟରେ ଗଞ୍ଜେଇ ଚାଲାଣ ସମ୍ପର୍କରେ ସୂଚନା ପାଇଁ ମୋହନା ଏବଂ ଅଡବା ଥାନାର ମିଳିତ ଟିମ ଗୁରୁବାର ରାତିରେ ଚଢ଼ାଉ କରିବାକୁ ଯାଇଥିଲେ। ହେଲେ ଗଞ୍ଜେଇ ମାଫିଆ ଏବଂ ସେମାନଙ୍କ ସହଯୋଗୀମାନେ ପୁଲିସ ଟିମକୁ ଘେରିଯାଇ ଆକ୍ରମଣ କରିଥିଲେ। ଆକ୍ରମଣରେ ଏସଡିପିଓଙ୍କ ସମେତ ୨୬ ପୁଲିସ କର୍ମଚାରୀ ଆହତ ହୋଇଥିଲେ। ରାତିରେ ସେମାନଙ୍କୁ ଅଟକ ରଖିଥିଲେ। ବହୁ ସମୟ ପରେ ପୁଲିସ କର୍ମଚାରୀମାନେ ସେମାନଙ୍କୁ ବୁଝାଶୁଝା କରି ମୁକୁଳିଥିଲେ। ଏ ସମ୍ପର୍କରେ ଉଭୟ ଥାନାର ଅଧିକାରୀଙ୍କ ମତାମତ ମିଳିପାରି ନାହିଁ।