ପାରାଦୀପ: ଅଭିଯୁକ୍ତଙ୍କୁ ଗିରଫ କରିବାକୁ ଆସି ଅଭିଯୁକ୍ତ ପାଲଟିଲେ ଆନ୍ଧ୍ର ପୁଲିସ । ଏଭଳି ଏକ ଅଭାବନୀୟ ଘଟଣା ଜଗତସିଂହପୁର ଜିଲା ପାରାଦ୍ୱୀପ ପାରାଦୀପଗଡ଼ ଗ୍ରାମରେ ଘଟିଛି । ସୂଚନା ଅନୁଯାୟୀ, ଏକ ଚେକ୍ ବାଉନ୍ସ ମାମଲାରେ ଜଣେ ୱାରେଣ୍ଟିକୁ ଧରିବାକୁ ଆନ୍ଧ୍ର ପୁଲିସ ଟିମ୍ ଜଗତସିଂହପୁର ଜିଲା ପାରାଦୀପଗଡ଼ ଗ୍ରାମରେ ପହଞ୍ଚିଥିଲା । ସେମାନେ ସାଧା ପୋଷାକ ପିନ୍ଧି ଥିବାରୁ ସ୍ଥାନୀୟଲୋକେ ସେମାନଙ୍କୁ ଚିହ୍ନି ପାରିନଥିଲେ । ଗ୍ରାମବାସୀ ସେମାନଙ୍କୁ କାବୁ କରି ମାଡ ମାରିବା ସହ ସ୍ଥାନୀୟ ଲଜ୍ ଥାନାରେ ପୁଲିସ୍ ଜିମା ଦେଇଥିଲେ । ପରେ ଥାନାରେ ସେମାନେ ଆନ୍ଧ୍ରପ୍ରଦେଶ ପୁଲିସ ବୋଲି ଜଣାପଡିଥିଲା । ଘରର ମହିଳାଙ୍କୁ ସେମାନେ ବଳାତ୍କାର ଉଦ୍ୟମ କରିଥିବା ୱାରେଣ୍ଟି ପରିବାର ଲୋକେ ଅଭିଯୋଗ କରିଛନ୍ତି । ଆନ୍ଧ୍ରପ୍ରଦେଶର ଏହି ପୁଲିସ୍ ଟିମ୍ ୱାରେଣ୍ଟିଙ୍କ ପରିବାର ବିରୋଧରେ ପାଲଟା ଏତଲା ଦେଇଥିବା ଜଣାପଡିଛି ।
Popular Categories
Previous article
Next article