ନୂଆଦିଲ୍ଲୀ: ପ୍ରଧାନମନ୍ତ୍ରୀ ଶ୍ରମଯୋଗୀ ମାନ-ଧନ ପେନସନ୍ ଯୋଜନା ଆରମ୍ଭ ହୋଇଛି। ଯୋଜନା ଅନୁସାରେ, ଅଣସଂଗଠିତ କ୍ଷେତ୍ରର ଶ୍ରମିକମାନେ ୬୦ ବର୍ଷ ପରେ ମାସିକ ସର୍ବନିମ୍ନ ୩ ହଜାର ଟଙ୍କାର ନିଶ୍ଚିତ ପେନ୍ସନ୍ ପାଇବେ। ଯେଉଁ ଶ୍ରମିକମାନେ ମାସିକ ୧୫ ହଜାର କିମ୍ବା ତା’ଠାରୁ କମ୍ ମଜୁରୀ ପାଉଛନ୍ତି ଓ ୧୮ରୁ ୪୦ ବର୍ଷ ବୟସ ମଧ୍ୟରେ ଆସୁଛନ୍ତି, ସେମାନେ ଏହି ଯୋଜନା ପାଇଁ ଯୋଗ୍ୟ ବିବେଚିତ ହେବେ। ଦେଶର ଅଣସଂଗଠିତ କ୍ଷେତ୍ରରେ ଶତକଡ଼ା ୪୨ ଭାଗ ଶ୍ରମିକ କାର୍ଯ୍ୟ କରୁଛନ୍ତି। ମଧ୍ୟବର୍ତ୍ତୀକାଳୀନ ବଜେଟ୍ରେ ଏହି ଯୋଜନାର ଘୋଷଣା କରାଯାଇଥିଲା। ପେନ୍ସନ୍ ପାଉଥିବା ଜରେ ଶ୍ରମିକର ମୃତ୍ୟୁ ଘଟିଲେ ତାଙ୍କର ପତି କିମ୍ବା ପତ୍ନୀ ଶତକଡ଼ା ୫୦ ଭାଗ ପେନ୍ସନ୍ ପାଇବାକୁ ହକ୍ଦାର ହେବେ। ଫାମିଲି ପେନ୍ସନ କେବଳ ପତି କିମ୍ବା ପତ୍ନୀଙ୍କ ମଧ୍ୟରେ ସୀମିତ ରହିବ।