ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆସନ୍ତାକାଲି ନୂଆଦିଲ୍ଲୀରେ ତୃତୀୟ ଜାତୀୟ ବିପର୍ଯ୍ୟୟ ପ୍ରଶମନ ମଞ୍ଚକୁ ଉଦ୍ଘାଟନ କରିବେ । ଏ ସମ୍ବନ୍ଧରେ ଜାତୀୟ ଦୁର୍ବିପାକ ପରିଚାଳନା କର୍ତ୍ତୃପକ୍ଷଙ୍କ ପକ୍ଷରୁ କୁହାଯାଇଛି ଯେ, ଚଳିତ ବର୍ଷର ଏହାର ଶୀର୍ଷକ ରହିଛି ‘ଜଳବାୟୁ ପରିବର୍ତ୍ତନରେ ସ୍ଥାନୀୟ ସ୍ତରୀୟ ସମାଧାନ’ । ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହା ମନ୍ତ୍ରିସ୍ତରୀୟ ଅଧିବେଶନରେ ଅଧ୍ୟକ୍ଷତା କରିବେ । ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳ ମାନଙ୍କର ମନ୍ତ୍ରୀମାନଙ୍କ ସହ ଏଥିରେ ବ୍ୟାପକ ଆଲୋଚନା ହେବ ।
ଆୟୋଜନ ସ୍ଥଳୀରେ ଏକ ପ୍ରଦର୍ଶନୀ ଅନୁଷ୍ଠିତ ହେବ। ଏଥିରେ ଷ୍ଟାର୍ଟଅପ୍ ଗୁଡ଼ିକ ଦ୍ୱାରା ବିକଶିତ ବୈଷୟିକ ଜ୍ଞାନକୌଶଳର ପ୍ରଦର୍ଶନ ହେବ। ତୃତୀୟ ଅଧିବେଶନରେ ୧ ହଜାରରୁ ଅଧିକ ପ୍ରତିନିଧି ଅଂଶଗ୍ରହଣ କରିବେ। ସେମାନଙ୍କ ମଧ୍ୟରେ ବହୁ କେନ୍ଦ୍ରମନ୍ତ୍ରୀ, ରାଜ୍ୟର ବିପର୍ଯ୍ୟୟ ପରିଚାଳନା ମନ୍ତ୍ରୀ, ସାଂସଦ, ସ୍ଥାନୀୟ ସ୍ୱାୟତ୍ତ ସଂସ୍ଥା ପ୍ରତିନିଧି, ସ୍ୱତନ୍ତ୍ର ଦୁର୍ବିପାକ ପରିଚାଳନା ସଂସ୍ଥାଗୁଡ଼ିକର ମୁଖ୍ୟ, ଶିକ୍ଷା କ୍ଷେତ୍ରର ପ୍ରତିନିଧି ଓ ସାମାଜିକ ସଂଗଠନ ସାମିଲ ହେବେ ବୋଲି ଜଣାପଡ଼ିଛି ।
Comments are closed.