ଜାମ୍ମୁରେ ପହଞ୍ଚିଲେ ମୋଦୀ, ବିମାନବନ୍ଦରରେ ଭବ୍ୟ ସ୍ବାଗତ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଜାମ୍ମୁରେ ପହଞ୍ଚିଛନ୍ତି ।  ଜାମ୍ମୁ ବିମାନବନ୍ଦରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଜାମ୍ମୁ କାଶ୍ମୀର ବିଜେପିର ବରିଷ୍ଠ ନେତାମାନେ ସ୍ୱାଗତ କରିଛନ୍ତି । ଧାରା ୩୭୦ ପ୍ରତ୍ୟାହାର ହେବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରବିବାର ଜାମ୍ମୁରେ ପ୍ରଥମ ସାଧାରଣ ସଭାକୁ ସମ୍ବୋଧିତ କରିବେ। ପ୍ରଧାନମନ୍ତ୍ରୀ ମୋଦୀ ୨୦ ହଜାର କୋଟି ମୂଲ୍ୟର ପ୍ରକଳ୍ପର ଶିଳାନ୍ୟାସ ଏବଂ ଉଦଘାଟନ କରିବେ। ଏହି ଅବସରରେ ସେ ଅମୃତ ସରୋବର ଯୋଜନାର ମଧ୍ୟ ଶୁଭାରମ୍ଭ କରିବେ।

ସାମ୍ବା ଜିଲ୍ଲାର ପଲ୍ଲୀରେ ଆୟୋଜିତ ମୁଖ୍ୟ କାର୍ଯ୍ୟକ୍ରମରେ ହଜାର ହଜାର ସଂଖ୍ୟାରେ ସରପଞ୍ଚ, ପଞ୍ଚ, ଡିଡିସି (ଜିଲ୍ଲା ବିକାଶ ପରିଷଦ), ବିଡିସି (ବ୍ଲକ ବିକାଶ ପରିଷଦ) ସଦସ୍ୟ ତଥା ସ୍ଥାନୀୟ ଲୋକଙ୍କ ସମାଗମ ହୋଇଛି।