ନୂଆଦିଲ୍ଲୀ : ଆଜିକାଲି ସବୁର ଦରଦାମ୍ ବଢୁଛି । ବାହାରେ କମ୍ ଦାମରେ ପେଟପୁରା ଖାଇବା ମିଳିବା କଷ୍ଟ ହୋଇଗଲାଣି । କିନ୍ତୁ କିଛି ସ୍ଥାନରେ ଏବେବି ଦୋକାନୀମାନେ ଶସ୍ତାରେ ଭାରତୀୟ ଭୋଜନ ଦେଉଛନ୍ତି । ଏମିତି ଏକ ହୋଟେଲର ଭିଡିଓ ଏବେ ସାମାଜିକ ଗଣମାଧ୍ୟମରେ ଭାଇରାଲ ହେବାରେ ଲାଗିଛି । ଖାଲି ସେତିକି ନୁହେଁ, ଏହି ଭିଡିଓ ଭାରତର ଜଣାଶୁଣା ବ୍ୟବସାୟୀ ଆନନ୍ଦ ମହିନ୍ଦ୍ରାଙ୍କୁ ମଧ୍ୟ ବେଶ୍ ପସନ୍ଦ ଆସିଛି । ସେ ଏହାକୁ ନିଜ ଏକ୍ସ ଆକାଉଣ୍ଟରେ ସେୟାର କରିଛନ୍ତି ।
This gentleman should be appointed the anti-inflation Tsar of the country…
👏🏽👏🏽👏🏽 pic.twitter.com/5tlRtT7Ja9
— anand mahindra (@anandmahindra) August 27, 2024
ଭାଇରାଲ ହେଉଥିବା ଏହି ଭିଡିଓରେ ଆପଣ ଦେଖିପାରିବେ କି କେମିତି ଜଣେ ଯୁବକ ଦୋକାନୀକୁ ପଚାରୁଛନ୍ତି କି ୫୦ ଟଙ୍କାରେ କ’ଣ କ’ଣ ଖାଇବାକୁ ଦେବେ ? ଏହା ପରେ ଦୋକାନୀ ପ୍ଲେଟରେ ଅନେକ ପ୍ରକାର ବ୍ୟଞ୍ଜନ ପରଷୁଛନ୍ତି । ଏପରିକି ଦୋକାନୀ କହୁଛନ୍ତି କି ପରେ ଆଉ ନେଲେ ମଧ୍ୟ ଅତିରିକ୍ତ ପଇସା ଲାଗିବନି ।
ଏହା ପରେ ଲୋକେ ଭିଡିଓକୁ ନେଇ ଭିନ୍ନ ଭିନ୍ନ ପ୍ରତିକ୍ରିୟା ଦେଉଛନ୍ତି । କିଛି ଲୋକେ ଜୋମାଟୋକୁ ପରାମର୍ଶ ଦେଇ ଲେଖିଛନ୍ତି କି ଖୁବ୍ ଶୀଘ୍ର ସେହି ଦୋକାନୀକୁ ଖୋଜି ତାଲିକାଭୁକ୍ତ କରିବା ଉଚିତ୍ । ଅନ୍ୟ ଜଣେ ୟୁଜର ଲେଖିଛନ୍ତି କି ତାଙ୍କ ସହରରେ ଏତିକି ଖାଦ୍ୟ ପାଇଁ ୫୦୦ ଟଙ୍କା ଖର୍ଚ୍ଚ କରିବାକୁ ପଡେ । ସମସ୍ତେ ଏହି ଭିଡିଓକୁ ପସନ୍ଦ କରିବା ସହ ସେୟାର କରୁଛନ୍ତି ।
