ସମାଜ ପୋର୍ଟାଲ ଡେସ୍କ: କେରଳର ଶ୍ରୀ ଚିତ୍ର ତିରୁନାଲ ଚିକିତ୍ସା ବିଜ୍ଞାନ ଓ ବୈଷୟିକ ଜ୍ଞାନ ପ୍ରତିଷ୍ଠାନ କୋଭିଡ୍-୧୯ ସଂକ୍ରମିତ ଲୋକମାନଙ୍କର ଚିକିତ୍ସା ପାଇଁ ଏକ ଅଭିନବ ଚିକିତ୍ସା ଯୋଗାଇବାକୁ ଅନୁମତି ପାଇଛି। ତିରୁବନନ୍ତପୁରମ ଭିତ୍ତିକ ଏହି ଅନୁଷ୍ଠାନ ଭାରତ ସରକାରଙ୍କ ବିଜ୍ଞାନ ଓ ବୈଷୟିକ ଜ୍ଞାନ ବିଭାଗ ଅଧୀନରେ ଜାତୀୟ ସ୍ତରର ଏକ ଗୁରୁତ୍ୱପୂର୍ଣ୍ଣ ଅନୁଷ୍ଠାନ। convalescent-plasma therapy ନାମକ ଏହି ଚିକିତ୍ସା ବ୍ୟବସ୍ଥା ସଂକ୍ରମଣରୁ ସୁସ୍ଥ ହୋଇଥିବା ଜଣେ ବ୍ୟକ୍ତିଙ୍କ ଶରୀରର ପ୍ରତିରୋଧକ ଶକ୍ତିର ବ୍ୟବହାର କରି ଅନ୍ୟ ଜଣେ ସଂକ୍ରମିତ ଲୋକଙ୍କର ଚିକିତ୍ସା କରିବାକୁ ଲକ୍ଷ୍ୟ ରଖିଛି।
ଆଇ.ସି.ଏମ୍.ଆର୍. ଏହି ନୂଆ ଚିକିତ୍ସା ପଦ୍ଧତିକୁ ଅବଲମ୍ବନ କରିବା ପାଇଁ ସେହି ଅନୁଷ୍ଠାନକୁ ଅନୁମତି ପ୍ରଦାନ କରିଛି। ଏହି ଚିକିତ୍ସା ପଦ୍ଧତିରେ
ସଂକ୍ରମଣରୁ ସୁସ୍ଥ ହୋଇଥିବା ଜଣେ ବ୍ୟକ୍ତିଙ୍କ ଶରୀରରୁ ପ୍ରତିରୋଧକ ଶକ୍ତିକୁ ନେଇ ଅନ୍ୟ ଜଣେ ସଂକ୍ରମିତ ଲୋକଙ୍କ ଶରୀରରେ ପ୍ରବେଶ କରାଯିବ। ଏହି ପ୍ରତିରୋଧକ ଶକ୍ତି ଜଣେ ସଂକ୍ରମିତ ବ୍ୟକ୍ତିଙ୍କ ଶରୀରରେ ପ୍ରବେଶ କରିବା ପରେ ଭୂତାଣୁ ସଂକ୍ରମଣକୁ ରୋକିବାରେ ତାଙ୍କ ଶରୀରର ପ୍ରତିରୋଧକ ଶକ୍ତି ବୃଦ୍ଧି ପାଇବ।
