ଉଡ଼ାଣ ଭରିବା ପରେ ବାହାରିଗଲା ବିମାନର ଚକ, ଆଉ ତା’ପରେ..

ସମାଜ ଡିଜିଟାଲ ଡେସ୍କ: ଜାପାନ ଯାଉଥିବା ଏକ ବୋଇଙ୍ଗ ୭୭୭ ଜେଟ୍‌ଲାଇନର ଗୁରୁବାର ଉଡ଼ାଣ ଭରିବାର ତୁରନ୍ତ ପରେ ଜରୁରୀକାଳୀନ ଅବତରଣ କରିଛି, କାରଣ ଏହାର ଏକ ଚକ ଭାଙ୍ଗି ବିମାନବନ୍ଦର ପାର୍କିଂରେ ଖସିପଡ଼ିଥିଲା। ଅନଲାଇନରେ ପୋଷ୍ଟ କରାଯାଇଥିବା ଭିଡିଓରେ ସାନ ଫ୍ରାନ୍ସିସ୍କୋ ଅନ୍ତର୍ଜାତୀୟ ବିମାନବନ୍ଦରରେ ଉଡ଼ାଣ ଭରିବାର କିଛି ସେକେଣ୍ଡ ପରେ ୟୁନାଇଟେଡ୍ ଏୟାରଲାଇନ୍ସର ବିମାନରୁ ଏକ ଚକ ଖସିପଡ଼ୁଥିବା ଦେଖିବାକୁ ମିଳିଛି।

✈️United flight UA35 diverted to Los Angeles today after losing a wheel on takeoff 🚨 Via @FlightEmergency

View #UA35's data at
https://t.co/F63EfWkMAN pic.twitter.com/0bSSQE6UKu

— RadarBox (@RadarBoxCom) March 7, 2024

ସ୍ଥାନୀୟ KRON4 ଆଉଟଲେଟ୍ ସୂଚନା ଦେଇଛି ଯେ, ଚକଟି ବାହାରି ଆସି ବିମାନବନ୍ଦର କର୍ମଚାରୀଙ୍କ ଦ୍ୱାରା ବ୍ୟବହୃତ ଏକ କାର ପାର୍କିଂରେ ପଡ଼ିଥିଲା। ବିମାନବନ୍ଦର ଅଧିକାରୀ କହିଛନ୍ତି ଯେ, ଏହାଦ୍ବାରା ଅନେକ କାର କ୍ଷତିଗ୍ରସ୍ତ ହୋଇଛି। ଏହାପରେ ଲସ୍ ଆଞ୍ଜେଲସ୍‌ ଆଡ଼କୁ ବିମାନର ଦିଗ ପରିବର୍ତ୍ତନ କରାଯାଇଥିଲା, ଯେଉଁଠାରେ ଏହା ନିରାପଦରେ ଅବତରଣ କରିଥିଲା।