ପିପିଲି : ପିପିଲି ଓ ଏହାର ଆଖପାଖ ଅଞ୍ଚଳରେ ଗୁରୁବାର ଅପରାହ୍ନରେ ପ୍ରବଳ ବେଗରେ ପବନ ବୋହିବା ସହ ପ୍ରାୟ ଘଣ୍ଟାଏ କାଳ ଘଡଘଡି ଓ ବିଜୁଳି ସହ ଝଡବର୍ଷା ହୋଇଥିଲା। ଏହି ଅଦିନିଆ ବର୍ଷା ଯୋଗୁଁ ପାଗ ଥଣ୍ଡା ହୋଇଯିବା ସହ ଗଛର ଡାଳପତ୍ର ଆଦି ପଡି ରାସ୍ତାଘାଟ ଆବର୍ଜ୍ଜନାମୟ ହୋଇଥିବା ଦେଖାଯାଇଛି। ପୂର୍ବାହ୍ନରୁ ଆକାଶ ମେଘୁଆ ରହିଥିବା ବେଳେ ୨ଟା ୪୫ ମିନିଟରେ ଝଡବର୍ଷା ହୋଇଥିଲା। ବିରି, ମୁଗ ଆଦି ଫସଲ ପାଇଁ ଏହି ବର୍ଷା ବେଶ ଅନୁକୂଳ ହୋଇଥିବା ବେଳେ ବିଶେଷ କରି କୋବି ଫସଲକୁ ଏହା କ୍ଷତି ପହଞ୍ଚାଇବ ବୋଲି କେତେକ ଚାଷୀ ମତ ଦେଇଛନ୍ତି।
