ପିପିଲି : ସମାଜବାଦୀ ପାର୍ଟିର ରାଜ୍ୟ ସାଧାରଣ ସମ୍ପାଦକ ସୁଦର୍ଶନ ପ୍ରଧାନଙ୍କର ଆଜି ସକାଳେ ଭୁବନେଶ୍ୱର ଠାରେ ଏକ ସଡକ ଦୁର୍ଘଟଣାରେ ପରଲୋକ ଘଟିଛି । ସେ ଆଜି ଭୁବନେଶ୍ୱରରୁ ପିପିଲିକୁ ବାଇକ ଯୋଗେ ଆସୁଥିବା ବେଳେ ଶିଶୁ ଭବନ ଛକ ଠାରେ ଦୁର୍ଘଟଣାର ଶିକାର ହୋଇଥିଲେ। ଗୁରୁତର ଅବସ୍ଥାରେ ତାଙ୍କୁ କ୍ୟାପିଟାଲ ହସ୍ପିଟାଲକୁ ନିଆଯାଇଥିବା ବେଳେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ। ଏହି ଘଟଣା ବିଭିନ୍ନ ମହଲରେ ଶୋକର ଛାୟା ଖେଳାଇ ଦେଇଛି । ତାଙ୍କ ନିଜ ଘର ପିପିଲି ନିକଟବର୍ତ୍ତୀ ସୁନାମୁଇଁ ଗ୍ରାମରେ ହୋଇଥିବା ବେଳେ ସେ ଜଣେ ମେଳାପୀ, ମିଷ୍ଠ ଭାଷୀ, ପରୋପକାରୀ, ସ୍ନେହୀ ମଣିଷ ଭାବେ ସାଧାରଣରେ ବେଶ ପରିଚିତ ଥିଲେ । ଜଣେ ମେଧାବୀ ଛାତ୍ର ଭାବେ ପରିଚିତ ସ୍ବର୍ଗତ ପ୍ରଧାନଙ୍କର ପିଲାଟିବେଳୁ ସମାଜସେବା ଓ ସାହିତ୍ୟ ପ୍ରତି ଗଭୀର ରୁଚି ଥିଲା ।
Comments are closed.