ଅଟୋ ଧକ୍କାରେ ବାଇକ୍‍ ଚାଳକ ମୃତ

ପିପିଲି: ପିପିଲି ବ୍ଳକଛକ ଠାରେ ଶନିବାର ସଂନ୍ଧ୍ୟାରେ ଘଟିଥିବା ଏକ ସଡକ ଦୁର୍ଘଟଣାରେ ଜଣେ ବାଇକ୍‍ ଚାଳକଙ୍କ ମୃତ୍ୟୁ ଘଟିଥିବା ସୂଚନା ମିଳିଛି। ମୃତକଙ୍କ ନାମ ଗଣେଶ ବରାଳ(୨୭) ଓ ତାଙ୍କ ଘର ନିକଟବର୍ତ୍ତୀ ଦୁର୍ଗାଦାଶପୁର ଗ୍ରାମରେ ହୋଇଥିବା ସୂଚନା ମିଳିଛି। ଗଣେଶ ନିଜର ବାଇକ ଚଳାଇ ପିପିଲିରୁ ଘରକୁ ଫେରୁଥିବା ବେଳେ ବ୍ଲଳଛକ ନିକଟ ଡିହସାହି ଗ୍ରାମ୍ୟଛକ ଠାରେ ସମ୍ମୁଖରୁ ଆସୁଥିବା ଏକ ଡାଲାଅଟୋ ତାଙ୍କୁ ବହୁତ ଜୋରରେ ଧକ୍କା ଦେଇଥିଲା। ଏଥିରେ ତାଙ୍କ ମୁଣ୍ଡ ସମେତ ଶରୀରର ବିଭିନ୍ନ ସ୍ଥାନରେ ଗୁରୁତର ଆଘାତ ଲାଗି ପ୍ରଚୁର ରକ୍ତସ୍ରାବ ହୋଇଥିଲା। ସ୍ଥାନୀୟ ଲୋକଙ୍କ ସହାୟତାରେ ଅଗ୍ନିଶମବାହିନି ତାଙ୍କୁ ମୁର୍ମୁଷ ଅବସ୍ଥାରେ ଉଦ୍ଧାର କରି ପିପିଲି ଗୋଷ୍ଠି ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। ସେଠାରେ ଅବସ୍ଥା ଗୁରୁତର ହେବାରୁ ପରେ ତାଙ୍କୁ କ୍ୟାପିଟାଲ ହସ୍‍ପିଟାଲକୁ ସ୍ଥାନାନ୍ତର କରାଯାଇଥିଲା। ତେବେ କ୍ୟାପିଟାଲ ହସ୍‍ପିଟାଲ୍‍ରେ ଡାକ୍ତର ତାଙ୍କୁ ମୃତ ଘୋଷଣା କରିଥିବା ସୂଚନା ମିଳିଛି। ପିପିଲି ପୁଲିସ ଦୁର୍ଘଟଣାଗ୍ରସ୍ତ ଗାଡି ଦୁଇଟିକୁ ଜବତ କରି ଘଟଣାର ତଦନ୍ତ ଚଳାଇଛି। ମୃତ ଗଣେଶ ବିବାହିତ ଓ ଅତ୍ୟନ୍ତ ଗରୀବ ହୋଇଥିବା ବେଳେ ତାଙ୍କ ପରିବାରକୁ ରେଡକ୍ରସ ପାଣ୍ଠିରୁ ଅନୁକମ୍ପାମୂଳକ ଆର୍ଥିକ ସହାୟତା ପ୍ରଦାନ କରିବାକୁ ଯୁବନେତା ବିଶ୍ୱଜିତ ଦାଶ ଦାବି କରିଛନ୍ତି।

Comments are closed.