ନୂଆଦିଲ୍ଲୀ : ଭାରତୀୟ ୱିଙ୍ଗ କମାଣ୍ଡର ଅଭିନନ୍ଦନଙ୍କୁ ପାକିସ୍ତାନ ମୁକ୍ତ କରିବାକୁ ଘୋଷଣା କରିବା ପରେ ପ୍ରଧାନମନ୍ତ୍ରୀଙ୍କ ପ୍ରଥମ ଅନୌପଚାରିକ ପ୍ରତିକ୍ରିୟା ସାମ୍ନାକୁ ଆସିଛି। ଜାତୀୟ ବିଜ୍ଞାନ ଦିବସ ଅବସରରେ ବିଜ୍ଞାନ ଭବନରେ ଆୟୋଜିତ କାର୍ଯ୍ୟକ୍ରମ ପ୍ରଧାନମନ୍ତ୍ରୀ ମୋଦୀ ଇସାରରେ ଅଭିନନ୍ଦନଙ୍କ ବିଷୟରେ ଉଲ୍ଲେଖ କରିଛନ୍ତି। ମୋଦୀ କହିଛନ୍ତି ଆପଣମାନେ ପାଇଲଟ ପ୍ରଜେକ୍ଟ କରିବାର ପରମ୍ପରା ରହିଛି। ପାଇଲଟ ପ୍ରୋଜେକ୍ଟ ହେବା ପରେ ସ୍କେଲେବଲ କରାଯାଇଥାଏ। ଏବେ ଏବେ ଏକ ପାଇଲଟ ପ୍ରୋଜେକ୍ଟ ହୋଇଥିବା ପ୍ରଧାନମନ୍ତ୍ରୀ କହିଛନ୍ତି। ଉପସ୍ଥିତ ଥିବା ଦର୍ଶକଙ୍କ ତାଳିରେ ପ୍ରଧାନମନ୍ତ୍ରୀଙ୍କ ଭାଷଣ ଅଟକି ରହିଥିଲା।
ସୂଚନାଯୋଗ୍ୟ ଯେ ଫେବୃଆରୀ ୨୭ ତାରିଖରେ ଭାରତୀୟ ବାୟୁ ସେନା କମାଣ୍ଡର ଅଭିନନ୍ଦନଙ୍କ ଯୁଦ୍ଧ ବିମାନ ପାକିସ୍ତାନରେ ଦୁର୍ଘଟଣା ଗସ୍ତ ହୋଇଥିଲା। ପରେ ଅଭିନନ୍ଦନଙ୍କୁ ପାକିସ୍ତାନ ସେନା ଅଟକ ରଖିଥିଲା। ଏହାକୁ ନେଇ ଆନ୍ତର୍ଜାତୀୟ ସ୍ତରରେ ଚାପ ରହିବା ଫଳରେ ପାକିସ୍ତାନ ଅଭିନନ୍ଦନଙ୍କୁ ଭାରତକୁ ପଠାଇବାକୁ କହିଛି। ପାକିସ୍ତାନ ସଂସଦରେ ପ୍ରଧାନମନ୍ତ୍ରୀ ଇମରାନ ଖାନ ଏହି ଘୋଷଣା କରିଛନ୍ତି।
