ଫୁଲବାଣୀ: ଅଖିଳ ଭାରତୀୟ ସାହିତ୍ୟ ପରିଷଦ ଫୁଲବାଣୀ ଶାଖା ତରଫରୁ ପ୍ରୟାଗରାଜଠାରେ ଅନୁଷ୍ଠିତ ମହାକୁମ୍ଭ ମେଳାକୁ ନେଇ ସନାତନ ଧର୍ମ ଓ ହିନ୍ଦୁ ଚଳଣି ବିରୋଧରେ ମନ୍ତବ୍ୟ ରଖିଥିବା କିଛି ମନ୍ଦ ଶକ୍ତିଙ୍କ ଉଦ୍ୟମକୁ ତୀବ୍ର ନିନ୍ଦା କରାଯାଇଛି। ଏଥିସହ ସେମାନଙ୍କ ବିରୋଧରେ ଜନମତ ସଂଗ୍ରହ ପୂର୍ବକ କରାଯାଇଥିବା ଦସ୍ତଖତ ଅଭିଯାନର ଅଭିଯୋଗପୂର୍ଣ୍ଣ ସ୍ମାରକ ପତ୍ର ମହାମହିମ ରାଷ୍ଟ୍ରପତିଙ୍କ ନିକଟକୁ କନ୍ଧମାଳର ଅତିରିକ୍ତ ଜିଲ୍ଲାପାଳଙ୍କ ମାଧ୍ୟମରେ ପ୍ରେରଣ କରିଛନ୍ତି। ଅଖିଳ ଭାରତୀୟ ସାହିତ୍ୟ ପରିଷଦ ଫୁଲବାଣୀ ଶାଖାର ସଭାପତି ଡ. ଚିତ୍ତରଞ୍ଜନ ମିଶ୍ର, ଜିଲ୍ଲା ସଂଯୋଜକ ଏ ସନ୍ତୋଷ କୁମାର ପାତ୍ର, ସହ ସମ୍ପାଦକ ନିରଞ୍ଜନ ପାଣ୍ଡେ, ନାଗାଲାଣ୍ଡ ବୈଦିକ ଆଶ୍ରମର ଆଚାର୍ଯ୍ୟ ଅମିତ୍ କୁମାର, ଆଡଭୋକେଟ ଗୋପାଳ ପାଢ଼ୀ ପ୍ରମୁଖ ଅତିରିକ୍ତ ଜିଲ୍ଲାପାଳଙ୍କୁ ଭେଟି
ସମସ୍ତ ବିଷୟ ଅବଗତ କରାଇଥିଲେ ଓ ୨୬୧ ଜଣଙ୍କ ଦସ୍ତଖତ ସମ୍ବଳିତ ଏକ ସ୍ମାରକ ପତ୍ର ପ୍ରଦାନ କରିଥିଲେ।
ସନାତନ ଧର୍ମ ବିରୋଧୀ ମନ୍ତବ୍ୟ ପ୍ରତିବାଦରେ ରାଷ୍ଟ୍ରପତିଙ୍କୁ ସ୍ମାରକ ପତ୍ର
Popular Categories
Previous article
Next article