ବାଲି ବୋଝେଇ ହାଇୱା ଜବତ

କଳାବାଡିଆ: ବାଙ୍ଗିରିପୋଷି ୪୯ ନମ୍ବର ଜାତୀୟ ରାଜପଥ ଦେଇ ଗତ ରବିବାର ରାତିରେ ବେଆଇନ ଭାବେ ବାଲି ଚାଲାଣ ହେଉଥିବା ଏକ ହାଇୱାକୁ ପୁଲିସ ଜବତ କରିଛି। ହାଇୱାଟି ଦ୍ରୁତଗତିରେ ଯାଉଥିବାବେଳେ ପାଟ୍ରୋଲିଂ ଟିମ ହାବୁଡରେ ପଡିଥିଲା। ପୁଲିସକୁ ଦେଖି ଚାଳକ ଗାଡି ଛାଡି ଫେରାର ହୋଇ ଯାଇଥିଲା। ହାଇୱାଟିର ବାଲି ଚାଲାଣ ପରମିଟ ନ ଥିବା ବେଳେ ବାଙ୍ଗିରିପୋଷି ଥାନା ଅଧିକାରୀ ବୀରେନ୍ଦ୍ର ସେନାପତିଙ୍କ ନିର୍ଦ୍ଦେଶ କ୍ରମେ ପୁଲିସ ତାହାକୁ ଜବତ କରିବା ସହ ଥାନାରେ ଏକ ମାମଲା ରୁଜୁ କରିଛି।

ସୂଚନାଯୋଗ୍ୟ, ବାଙ୍ଗିରିପୋଷି ଅଂଚଳରେ ବେଧଡକ ଚାଲିଛି ଚୋରା ବାଲି ଚାଲାଣ। ଜାତୀୟ ରାଜପଥରେ ହାଇୱା ଦ୍ୱାରା ଖୁଲମ ଖୁଲା ବାଲି ଚାଲାଣ ସାଧାରଣ ଘଟଣାରେ ପରିଣତ ହୋଇଛି। ପ୍ରଶାସନକୁ ଖୋଲା ଚ୍ୟାଲେଞ୍ଜ ଦେଇ ଦିନ ଦ୍ୱିପ୍ରହରରେ ମଧ୍ୟ ଟ୍ରିପ୍‌ ଟ୍ରିପ୍‌ ବାଲି ବିନା ପଟମିଟରେ ଚାଲାଣ ହେଉଛି।

Comments are closed.