ଫୁଲବାଣୀ:ସୋମବାର ଫୁଲବାଣୀ ବନାଞ୍ଚଳ ଅନ୍ତର୍ଗତ ବିଶିପଡ଼ା ସେକ୍ସନର ଗଞ୍ଜୁଗୁଡ଼ା ଗ୍ରାମ ପଞ୍ଚାୟତ ନିକଟରେ ଗ୍ରାମ ପଞ୍ଚାୟତ ସ୍ତରୀୟ ଜଙ୍ଗଲ ଓ ଜଙ୍ଗଲ ଜୀବଜନ୍ତୁଙ୍କୁ ନିଆଁ ଦାଉରୁ ରକ୍ଷା କରିବା ପାଇଁ ଏକ ସଚେତନତା କାର୍ୟ୍ୟକ୍ରମ ଅନୁଷ୍ଠିତ ହୋଇଯାଇଛି। ଉକ୍ତ ସଚେତନତା କାର୍ୟ୍ୟକ୍ରମରେ ଗଞ୍ଜୁଗୁଡ଼ା ସରପଞ୍ଚ ଅାଲୋକ କହଁର ମୁଖ୍ୟ ଅତିଥି ଭାବେ ଯୋଗ ଦେଇଥିଲେ।
ଅନ୍ୟ ମାନଙ୍କ ମଧ୍ୟରେ ଏସିଏଫ ମଳୟ ରଞ୍ଜନ କାଲୋ, ଫୁଲବାଣୀ ଫରେଷ୍ଟର ଆଶିଷ କୁମାର ଦିଗାଲ, ବିଶିପଡ଼ା ସେକ୍ସନ ଫରେଷ୍ଟର ମୋନାଲିସା ପଣ୍ଡା, ବିଶିପଡ଼ା ଫରେଷ୍ଟ ଗାର୍ଡ ସୂର୍ଯ୍ୟକାନ୍ତି ବେହେରା, ସ୍ବେଚ୍ଛାସେବୀ ଅନୁଷ୍ଠାନ ପାହାଡ଼ର ଟିମ ଲିଡ଼ର, ଉନ୍ନୟନ ଅଧିକାରୀ, ପକନାଗାଁ ବନ ସୁରକ୍ଷା ସମିତିର, ସଭ୍ୟ, ସଭ୍ୟା ପଦରସାହି ବନ ସୁରକ୍ଷା ସମିତିର ସଭ୍ୟ ସଭ୍ୟା ପ୍ରମୁଖ ଉପସ୍ଥିତ ରହି ଜଙ୍ଗଲକୁ କିଭଳି ନିଆଁ ଦାଉରୁ ସୁରକ୍ଷା ଦିଆ ଯାଇ ପାରିବ ସେ ଉପରେ ଉପସ୍ଥିତ ଥିବା ଜନସଧାରଣଙ୍କୁ ସଚେତନ କରିଥିଲେ ଏବଂ ଶପଥ ପାଠ କରେଇ ଥିଲେ।
ଏହି କାର୍ୟ୍ୟକ୍ରମରେ ଡ୍ୟାନ୍ସ ଏକାଡେମୀ ଫୁଲବାଣୀ ଏବଂ ପକନାଗାଁ ଗ୍ରାମର କୁନି କୁନି କଳାକାର ମାନଙ୍କ ଦ୍ବାରା ଜଙ୍ଗଲ ସଚେତନତା ଉପରେ ବିଭିନ୍ନ ସାଂସ୍କୃତିକ କାର୍ୟ୍ୟକ୍ରମ ପରିବେଷଣ କରାଯାଇଥିଲା।
Comments are closed.