ଫୁଲବାଣୀ : କନ୍ଧମାଳ ଜିଲା ଫିରିଙ୍ଗିଆ ବ୍ଲକ କେଳାପଡା ପଞ୍ଚାୟତ ଗୁରୁପଡା ଗାଁରେ ୨୧ଟି ପରିବାରକୁ ପ୍ରଶାସନ ତରଫରୁ ଭୂମିହୀନଙ୍କୁ ପଟ୍ଟା ଦିଆଯାଇଥିବାବେଳେ ବିଦ୍ୟାଳୟ ପରିଚାଳନା କମିଟି ଏବଂ ଅନ୍ୟମାନଙ୍କ ଦ୍ୱାରା ବିରୋଧ ଯୋଗୁଁ ଥାନାର ଦ୍ୱାରସ୍ଥ ହୋଇଛନ୍ତି ଗେରୁପଡା ଗାଁର ୨୧ଟି ପରିବାର । ସୂଚନା ଅନୁସାରେ ଦୀର୍ଘ ବର୍ଷରୁ ଗେରୁପଡା ଗାଁର କିଛି ପରିବାରକୁ ବଇରୀକୁମ୍ପା ନିକଟରେ ଥିବା ରାଜେନ୍ଦ୍ର ଉଚ୍ଚ ବିଦ୍ୟାଳୟ ନିକଟରେ ପ୍ରଶାସନ ତରଫରୁ ଭୂମିହୀନଙ୍କୁ ପଟ୍ଟା ପ୍ରଦାନ କରାଯାଇଥିଲା । ତେବେ ନିଜ ପଟ୍ଟା ଜାଗାକୁ ଚି଼ହ୍ନଟ ପାଇଁ ଫିରିଙ୍ଗିଆ ତହସିଲଦାରଙ୍କୁ ଲିଖିତ ଅଭିଯୋଗ କରିଥିବାବେଳେ ଫିରିଙ୍ଗିଆ ତହସିଲ ତରଫରୁ ଗତ କିଛିଦିନ ତଳେ ଜାଗା ଚି଼ହ୍ନଟ କରି ଉକ୍ତ ବ୍ୟକ୍ତିଙ୍କୁ ଜାଗା ମାପ କରି ପ୍ରଦାନ କରାଯାଇଥିଲା। ଅନ୍ୟ ପଟେ ସେହି ଜାଗାକୁ ଯାଇ ଗୃହ ନିର୍ମାଣ କରିବାକୁ ପ୍ରସ୍ତୁତ କରିଥିବା ବେଳେ ବିଦ୍ୟାଳୟ ପରିଚାଳନା କମିଟି ସହ ଶିକ୍ଷକ ଏବଂ ଅଞ୍ଚଳର କିଛି ବ୍ୟକ୍ତି ବିରୋଧ କରିବା ସହ ସେହି ଜାଗାକୁ ନ ଯିବାକୁ ଧମକ ଦେଇଥିବା ନେଇ ଫିରିଙ୍ଗିଆ ଥାନାରେ ଲିଖିତ ଅଭିଯୋଗ କରିଛନ୍ତି। ଗେରୁପଡା ଗାଁର ଜାଗା ମିଳିଥିବା ୨୧ ପରିବାର। ତେବେ ଏହି ଘଟଣାକୁ ଗୁରୁତର ସହ ନେଇ ନ୍ୟାୟ ପ୍ରଦାନ କରିବାକୁ ଥାନାର ଦ୍ୱାରସ୍ଥ ହୋଇଛନ୍ତି । ଅନ୍ୟପଟେ ପ୍ରଶାସନ ତରଫରୁ ନ୍ୟାୟ ମିଳିବ ବୋଲି ଜମି ପଟା ପାଇଥିବା ୨୧ଟି ପରିବାର ଆଶା ରଖିଛନ୍ତି ।
ଭୂମିହୀନଙ୍କୁ ମିଳିଥିବା ପଟ୍ଟା ଜମିରେ ଗୃହ ନିର୍ମାଣକୁ ବିରୋଧ : ଥାନାର ଦ୍ୱାରସ୍ଥ ହେଲେ ୨୧ ପରିବାର
Popular Categories
Previous article
Next article