ପାରଳାଖେମୁଣ୍ଡି : ଗାଁକୁ ରାସ୍ତା ନିର୍ମାଣ ଦାବିରେ ରାସ୍ତାରୋକ ହୋଇଛି । ଗଜପତି ଜିଲ୍ଲା କାଶୀନଗର ବ୍ଲକ କେ ସିତାପୁର ଠାରେ ଏଭଳି ପରିସ୍ଥିତି ଉପୁଜିଛି । ଏହି ପଞ୍ଚାୟତର ମିନିଗାଁ ଗ୍ରାମବାସୀ ଆଜି ସକାଳୁ ପାରଳାଖେମୁଣ୍ଡି- କାଶୀନଗର ମୁଖ୍ୟରାସ୍ତାକୁ ଅବରୋଧ କରି ଧାରଣାରେ ବସିଛନ୍ତି । ଆଜି ଏହି ରାସ୍ତା ଦେଇ ଗଜପତି ଜିଲ୍ଲାପାଳ ସ୍ମୃତି ରଞ୍ଜନ ପ୍ରଧାନ ଅଭିଯୋଗ ଶୁଣାଣୀ କରିବାକୁ କାଶୀନଗର ଯାଉଥିବା ବେଳେ ଆନ୍ଦୋଳନକାରୀମାନେ ଜିଲ୍ଲାପାଳଙ୍କ ବାଟ ଓଗାଳି ତୁରନ୍ତ ରାସ୍ତା ନିର୍ମାଣ ପାଇଁ ଦାବି କରିଥିଲେ । ଖବର ପାଇ ଏସପି ସ୍ଵାତୀ କୁମାର ଓ ଅନ୍ୟ ପୁଲିସ ଅଧିକାରୀ ପହଞ୍ଚି ବୁଝାସୁଝା ଜାରି ରଖିଛନ୍ତି । ଆସନ୍ତା କାଲି ଠାରୁ ନୂତନ ରାସ୍ତା ପାଇଁ ମାପଚୁପ ଆରମ୍ଭ ହେବ ବୋଲି ଜିଲ୍ଲାପାଳ ଆନ୍ଦୋଳନକାରୀଙ୍କୁ କହିବା ପରେ ମଧ୍ୟ ଆନ୍ଦୋଳନ ଜାରି ରହିଛି ।
Popular Categories
Previous article
Next article