ଫୁଲବାଣୀ: ସ୍ଥାନୀୟ ମୁଖ୍ୟ ବଜାରରେ ଥିବା ଭାସ୍କର ପୃଷ୍ଟିଙ୍କ ଜେନେରାଲ୍ ଷ୍ଟୋରରେ ନିଆଁ ଲାଗି ଲକ୍ଷାଧିକ ଟଙ୍କାର ସମ୍ପତ୍ତି ପୋଡ଼ି ପାଉଁଶ ହୋଇଯାଇଛି । ଗତକାଲି ରାତିରେ ସର୍ଟସର୍କିଟ୍ ଯୋଗୁଁ ଦୋକାନ ସହିତ ଗୋଦାମ ପୋଡ଼ିଯାଇଛି । ଖବର ପାଇ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲା ।
ତାହା ସହ ବଜାରର ବହୁ ସଦସ୍ୟ ଏବଂ ଟିମ୍ ହ୍ୟୁମାନିଟର ସଦସ୍ୟମାନେ ପହଞ୍ଚି ଘର ଭିତରୁ ଜିନିଷ ବାହାରକୁ କାଢିଥିଲେ । ଘଟଣାସ୍ଥଳରେ ଶହ ଶହ ସଂଖ୍ୟରେ ଲୋକଙ୍କ ସମାଗମ ହୋଇଥିବା ଦେଖିବାକୁ ମିଳିଥିଲା । ତେବେ ଅଗ୍ନିକାଣ୍ଡ ଯୋଗୁଁ କେବଳ ଲକ୍ଷାଧିକ ଟଙ୍କାର ଜିନିଷ ନୁହେଁ , ଘର ମଧ୍ୟ ଭାଙ୍ଗିଯାଇଥିବାର ଦେଖାଯାଇଛି ।
ରାତି ପ୍ରାୟ ୮ଟାରେ ଏହି ଅଗ୍ନିକାଣ୍ଡ ଘଟିଥିବା ବେଳେ ଦୀର୍ଘ ଦେଢ ଘଂଟା ଧରି ନିଆଁ ଲାଗିରହିଥିଲା । ସର୍ଟ ସର୍କିଟ୍ରେ ନିଆଁ ଲାଗିଥିବା ଯୋଗୁଁ କେହି ଭୟଭୀତ ହୋଇ ଭିତରକୁ ଯାଇ ପାରିନଥିଲେ । ବିଦ୍ୟୁତ୍ କାଟ ପରେ ନିଆଁକୁ ଆୟତ୍ତ କରାଯାଇଥିଲା ।
Comments are closed.