ତିରୁପତି: ତିରୁପତି ମନ୍ଦିରରେ ପ୍ରସ୍ତୁତ ଲଡୁରେ ପଶୁ ଚର୍ବି ମିଶ୍ରଣ କରାଯାଉଥିବା ପ୍ରତିବାଦରେ ଆନ୍ଧ୍ର ପ୍ରଦେଶ ଉପମୁଖ୍ୟମନ୍ତ୍ରୀ ପବନ କଲ୍ୟାଣ ଯେଉଁ ୧୧ ଦିନ ଧରି ପ୍ରାୟଶ୍ଚିତ୍ତ ତପସ୍ୟା ଚଳାଇଥିଲେ, ତାହା ଭଙ୍ଗ କରିଛନ୍ତି। ବୁଧବାର ପବନ କଲ୍ୟାଣ ନିଜର ଦୁଇ ଝିଅଙ୍କ ସହ ତିରୁପତି ମନ୍ଦିର ପରିଦର୍ଶନ କରିଥିବାବେଳେ ତପସ୍ୟାର ପରିସମାପ୍ତି ଘଟିଥିବା କହିଛନ୍ତି। ମନ୍ଦିର ପରିଦର୍ଶନ ସମୟରେ ସେ ‘ବରାହୀ ଡିକ୍ଲାରେସନ’ ନାମକ ଏକ ପୁସ୍ତକ ସାଙ୍ଗରେ ନେଇଥିଲେ। ମନ୍ଦିରରେ ପ୍ରବେଶ ପୂର୍ବରୁ ପବନ କଲ୍ୟାଣଙ୍କ କନିଷ୍ଠା କନ୍ୟା ପି.ଅଞ୍ଜନି କୋନିଡେଲା ଏକ ସ୍ବୀକାରୋକ୍ତି ଦେଇ କହିଥିଲେ ଯେ ତିରୁପତି ମନ୍ଦିରରେ ପୂଜା ପାଉଥିବା ପ୍ରଭୁ ଭେଙ୍କଟେଶ୍ବରଙ୍କ ଉପରେ ତାଙ୍କର ପ୍ରଗାଢ ବିଶ୍ବାସ ରହିଛି। ସୂଚନାଯୋଗ୍ୟ କୌଣସି ଅଣହିନ୍ଦୁ ତିରୁପତି ମନ୍ଦିରରେ ପ୍ରବେଶ ପୂର୍ବରୁ ଏଭଳି ସ୍ବୀକାରୋକ୍ତି ଦେବାର ନିୟମ ରହିଛି।
Comments are closed.