ପାତ୍ରପୁର: ଗୁଲାବ ବର୍ଷାରେ ବାଘଲଟି ଜଳସେଚନ ଯୋଜନାର ଡାହାଣ ପାର୍ଶ୍ୱ ପଥର ଘାଇ ନିକଟରେ କେନାଲ ଗାର୍ଡ ୱ।ଲ ଭୁଶୁଡି ପଡିଛି। କେନାଲପଥର ପଥରାଘାଇ ପାର୍ଶ୍ୱରେ ପ୍ରାୟ ତିରିଶି ମିଟର ଗାଡ ୱ।ଲ ଗତକାଲି ରାତି ବର୍ଷାରେ ଭୁଶୁଡି ପଡିଛି। ବାଘଲଟି ଡାହାଣ ପାର୍ଶ୍ୱ କେନାଲର ଚାବି ଭବେ ପରିଚିତ ଏହି ସ୍ଥାନଦେଇ ୨୦୦୬ ପରେ କେନାଲ ଖୋଲା କାର୍ଯ୍ୟ ଆରମ୍ଭ ହୋଇଥିଲା। ତେବେ ସ୍ଥାନଟି ପାହାଡ଼ ଇଲାକା ହୋଇଥିବା ବେଳେ ୧୩୦ ଫୁଟ ଗଭୀର ଖୋଲି କେନାଲ କନିରିଡ। ଅଞ୍ଚଳକୁ ଯାଇଥିଲା। ଏହା ପରେ କେନାଲ ପଥରେ ୨୦୦୮/୨୦୦୯ ସାଲରେ ଏହି ଗାର୍ଡ ୱ।ଲ ନିର୍ମାଣ ହୋଇଥିଲା।
ତେବେ କେନାଲ ଶଯ୍ୟାରୁ ପଥର ବାହାରିବା ସହ କାର୍ଯ୍ୟ ବିଳମ୍ବ ଘଟିବା ଫଳରେ ତଳ ଅଂଶକୁ ପାଣି ଯିବା ଅସୁବିଧା ସୃଷ୍ଟି ହୋଇଥିଲା। ଏହାକୁ ଦେଖି ଚାଷୀ ବାରମ୍ବାର ଆନ୍ଦୋଳନ କରିଥିଲେ। ଏହା ପରେ ଜଳସେଚନ ବିଭଗର ଉଦ୍ୟମ ଫଳରେ କାର୍ଯ୍ୟ ସମ୍ପୂର୍ଣ୍ଣ କରି ୨୦୧୬ ରେ ପ୍ରଥମଥର ପାଇଁ ଏହି କେନାରେ ତଳ ଅଂଶକୁ ପାଣି ଯାଇଥିଲା। ତେବେ ଗତକାଲିର ବର୍ଷା ଫଳରେ ବାରବର୍ଷ ପୂର୍ବେ ନିର୍ମାଣ ଗାର୍ଡ ୱ।ଲ ଭୁଶୁଡି ପଡିଥିବା ଜଣାଯାଇଛି। ତୁରନ୍ତ ବିଭ।ଗ ଏହି ଭଙ୍ଗା ସ୍ଥାନ ସଫା କରି ପାଣି ଯିବା ବ୍ୟବସ୍ଥା କରିବା ପାଇଁଚାଷୀ ମହଲରୁ ଦାବୀ ହେଉଛି।
