ପଥୋତ୍ସବ; ଶୀତୁଆ ସକାଳରେ ଝୁମିଲେ ରାଜଧାନୀବାସୀ

ଭୁବନେଶ୍ବର: ରାଜଧାନୀ ଭୁବନେଶ୍ବରରେ ଅନୁଷ୍ଠିତ ହୋଇଯାଇଛି ପଥୋତ୍ସବ। ରବିବାର ଶୀତୁଆ ସକାଳରେ ଇନଫୋସିଟି-ଶିଖରଚଣ୍ଡି ରାସ୍ତାରେ ଭୁବନେଶ୍ବର ମହାନଗର ନିଗମ ପକ୍ଷରୁ ଆୟୋଜିତ ବର୍ଷର ପ୍ରଥମ ପଥୋତ୍ସବରେ ନାଚ, ଗୀତ, ଝୋଟି, ଜୁମ୍ବା, ଯୋଗ, ତୀର ଚାଳନା, ବାସ୍କେଟ ବଲ୍‌, ବ୍ୟାଡମିଣ୍ଟନ, ସ୍କେଟିଂ ସହ ବିଭିନ୍ନ କ୍ରୀଡ଼ା କୌଶଳ ପ୍ରଦର୍ଶନ ହୋଇଛି।

ସତ୍ୟଜିତ୍ ପ୍ରଧାନ ଓ ପ୍ରଜ୍ଞା ହୋତା ପ୍ରମୁଖ କଣ୍ଠଶିଳ୍ପୀଙ୍କ ଗୀତର ତାଳେ ତାଳେ ଝୁମିଛନ୍ତି ରାଜଧାନୀର ଆବାଳ ବୃଦ୍ଧ ବନିତା।

ବିଭିନ୍ନ ସ୍କୁଲ, କଲେଜ, କଳାକାର, ସାଧାରଣ ଜନତା ଓ ବିଭିନ୍ନ ଅଧିକାରୀ ପଥୋତ୍ସବରେ ଭାଗ ନେଇ ମନୋରଞ୍ଜନ କାର୍ଯ୍ୟକ୍ରମରେ ଝୁମିଛନ୍ତି।