ବିଷାକ୍ତ ଚିତି ସାପ କାମୁଡାରେ ବୃଦ୍ଧ ମୃତ
ପାଟଣା : ପାଟଣା ବ୍ଲକ କୁମୁଳାବାହାଳି ରଙ୍ଗାମାଟିଆ ସାହିରେ ଜଣେ ୬୫ ବର୍ଷୀୟ ବୃଦ୍ଧଙ୍କୁ ଏକ ବିଷାକ୍ତ ଚିତି ସାପ କାମୁଡ଼ି ଦେବାରୁ ବୃଦ୍ଧଙ୍କ ମୃତ୍ୟୁ ଘଟିଛି। ମୃତ ବୃଦ୍ଧ ଜଣକ ହେଉଛନ୍ତି ଉକ୍ତ ଗାଁର ସାଙ୍ଗେନ ଓରଫ୍ ମଙ୍ଗ ମୁଣ୍ଡା ବୋଲି ଜଣାପଡିଛି । ସୂଚନା ଅନୁଯାୟୀ ମଙ୍ଗ ବୁଧବାର ବିଳମ୍ବିତ ରାତ୍ରିରେ ଘରେ ଖାଇସାରି ଖଟରେ ଶୋଇଥିବା ବେଳେ ଘରେ ପୂର୍ବରୁ ରହିଥିବା ଏକ ଚିତି ସାପ ତାଙ୍କ ଡାହାଣ ହାତରେ କାମୁଡି ଦେଇଥିଲା। ସେ ସାପଟିକୁ ମୂଷା ଭାବି ତାକୁ ଧରି ପକାଇ ଛାଡି ଦେଇଥିଲେ। ସକାଳୁ ସେ ନଉଠିବାରୁ ଘର ଲୋକ କବାଟ ଖୋଲି ଦେଖିଲା ବେଳକୁ ତାଙ୍କର ମୃତ୍ୟୁ ହୋଇଥିବା ଦେଖିବାକୁ ପାଇଥିଲେ। ଘଟଗାଁ ପୁଲିସକୁ ଖବର ଦେବା ପରେ ଘଟଣା ସ୍ଥଳରେ ପୁଲିସ ପହଞ୍ଚି ଶବକୁ ବ୍ୟବଛେଦ ପାଇଁ ପାଟଣା ସ୍ୱାସ୍ଥ୍ୟ କେନ୍ଦ୍ରକୁ ପଠାଇଥିଲା। ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଥିବା ଜଣାପଡିଛି।
Comments are closed.