ବାଇକ ଡିକି ଭାଙ୍ଗି ଟଙ୍କା ଲୁଟ୍‌‌

ପାଟଣା : ବାଇକ୍‌‌ ଡିକି ଭାଙ୍ଗି ଲୁଟି ନେଲେ ହଜାର ହଜାର ଟଙ୍କା। ଏଭଳି ଘଟଣା ଘଟିଛି କେନ୍ଦୁଝର ଜିଲ୍ଲା ଘଟଗାଁ ଥାନା ଢେଙ୍କିକୋଟ ବଜାରରେ। ଆଜି ଦିବାଲୋକରେ ମୁକ୍ତାପୁର ଆଶ୍ରମ ବିଦ୍ୟାଳୟର ପ୍ରଧାନ ଶିକ୍ଷକଙ୍କ ବାଇକ୍ ଡିକି ଭାଙ୍ଗି ନଗଦ ୩୦ ହଜାର ଟଙ୍କା ସହ ପାସବୁକ ଓ ଚେକ୍ ବହି ଲୁଟି ନେଇ ଫେରାର ହୋଇଯାଇଛନ୍ତି ଦୁବୃର୍ତ୍ତ। ଅଭିଯୋଗ ଅନୁଯାୟୀ ପ୍ରଧାନ ଶିକ୍ଷକ ଘନଶ୍ୟାମ ମହାନ୍ତ ଢେଙ୍କିକୋଟ ବ୍ୟାଙ୍କ ଅଫ ଇଣ୍ଡିଆରୁ ଟଙ୍କା ଉଠାଇ ନିଜ ବାଇକ୍ ଡିକିରେ ରଖି ଏକ ଦୋକାନକୁ ଯିବା ସମୟରେ ଆଖି ପିଛୁଳାକେ ଆସି ବାଇକ୍ ଡିକି ଭାଙ୍ଗି ଟଙ୍କା ନେଇ ଏକ କଳା ପଲସର ଯୋଗେ ଫେରାର ହୋଇଯାଇଥିଲେ। ଏନେଇ ପ୍ରଧାନ ଶିକ୍ଷକ ଢେଙ୍କିକୋଟ ଫାଣ୍ଡିରେ ଅଭିଯୋଗ କରିଛନ୍ତି। ପୁଲିସ ପହଞ୍ଚି ବିଭିନ୍ନ ସ୍ଥାନରେ ସିସିଟିଭି ଯାଞ୍ଚ କରିବା ସହ ଘଟଣାର ଛାନଭିନ କରୁଛି ।

Comments are closed.