ପାଟଣା: କେନ୍ଦୁଝର ଜିଲ୍ଲା ସାହାରପଡା ବ୍ଲକ ଅଞ୍ଚଳକୁ ୟୁଏନଡିପିର ପ୍ରତିନିଧି ଦଳ ଗସ୍ତ କରିଛନ୍ତି। ବ୍ଲକ ଅଞ୍ଚଳର ବଡ଼ବିଲ ପଞ୍ଚାୟତରେ ପହଞ୍ଚି ପଞ୍ଚାୟତ ଅଞ୍ଚଳରେ ଚାଲୁ ରହିଥିବା ଆସିଆରଜି ପ୍ରକଳ୍ପ ବା ସମନ୍ୱିତ ପରିବେଶ ସହନଶୀଳତା ବୃଦ୍ଧି କାର୍ଯ୍ୟକ୍ରମର ଅନୁଧ୍ୟାନ କରିଥିଲେ। କରୋନା କଟକଣା ଯୋଗୁଁ ଦୁଇ ବର୍ଷ କାଳ ପ୍ରକଳ୍ପର କାମ ଆଗେଇ ପାରି ନଥିବାରୁ ଏହି କାମକୁ କିପରି ଆଗେଇ ନିଆଯିବ ସେ ସମ୍ପର୍କରେ ବିଶ୍ଵ ବ୍ୟାଙ୍କ ପକ୍ଷରୁ ଆସିଥିବା ଜାପାନୀ ପ୍ରତିନିଧି ଦଳ ବ୍ଲକ ପ୍ରଶାସନର ଅଧିକାରୀ ମାନଙ୍କ ସହ ବିଚାର ବିମର୍ଷ କରିଥିଲେ। ଆସିଆରଜି ରାଜ୍ୟ ମୁଖ୍ୟ ଅମୀୟ କୁମାର ଓ ବିନୟ ଭୂଷଣଙ୍କ ସହ ଆସିଥିବା ଏହି ପ୍ରତିନିଧି ଦଳ ସାହାରପଡା ବିଡ଼ିଓ ବିଜୟ କୁମାର ନାୟକ, ଏପିଓ ଦୀପକ କୁମାର ବେହେରା ଓ ଅନ୍ୟ ଅଧିକାରୀଙ୍କ ସହ ବଡ଼ବିଲ ପଞ୍ଚାୟତ ଗସ୍ତ କରି ପ୍ରକଳ୍ପ ଅଗ୍ରଗତିର ସମୀକ୍ଷା କରିଥିଲେ।
Comments are closed.