ପାଟଣା: ଢେଙ୍କିକୋଟ ତୈଳିକ ସମାଜ ପକ୍ଷରୁ ପୂର୍ବବର୍ଷ ପରି ଚଳିତ ବର୍ଷ ମଧ୍ୟ ବୋଇତ ବନ୍ଦାଣ ଉତ୍ସବ ଧୁମଧାମରେ ଆୟୋଜନ କରାଯିବ ବୋଲି ଗୁରୁବାର ସଂଧ୍ୟା ୭ ଘଟିକା ସମୟରେ ଏକ ପ୍ରସ୍ତୁତି ବୈଠକ ରାଜକିଶୋର ସାହୁଙ୍କ ଆବାହକତ୍ଵରେ ବିଶ୍ବରଂଜନ ପୃଷ୍ଟିଙ୍କ ବାସଭବନରେ ଅନୁଷ୍ଠିତ ହୋଇଯାଇଛି। ଉକ୍ତ ବୈଠକରେ ସର୍ବ ସମ୍ମତି କ୍ରମେ ନିଷ୍ପତ୍ତି ନିଆଗଲା ଯେ ଚଳିତ ବର୍ଷ ବୋଇତ ବନ୍ଦାଣ ଉତ୍ସବ ଟୋଲ ପ୍ଲାଜା ସନ୍ନିକଟସ୍ତ ପୁଷ୍କରିଣୀରେ ଅନୁଷ୍ଠିତ ହେବ। ଉକ୍ତ ଉତ୍ସବକୁ ଢେଙ୍କିକୋଟ ତୈଳିକ ବୈଶ ସମାଜର ସଭାପତି ମୂରଲୀଧର ସାହୁ ଉଦଘାଟନ କରିବେ। ତୈଳିକ ସମାଜର ପୂର୍ବତନ ଜିଲ୍ଲା ସଭାପତି ତଥା ଢେଙ୍କିକୋଟ ତୈଳିକ ସମାଜର ଉପଦେଷ୍ଟା ବସନ୍ତ କୁମାର ପୃଷ୍ଟି ମୂଖ୍ୟ ଅତିଥି ଭାବେ ଯୋଗ ଦେବାକୁ ସମ୍ମତି ପ୍ରଦାନ କରିଛନ୍ତି।
ଉତ୍ସବରେ ୬୦ ବର୍ଷରୁ ଉର୍ଦ୍ଧ୍ବ ମା’ମାନଙ୍କୁ ସମ୍ମାନୀତ କରାଯିବ। କାର୍ଯ୍ୟକ୍ରମ ତଦାରଖ ଓ ସୁପରିଚାଳନା କରିବା ପାଇଁ ଏକ କମିଟି ଗଠନ କରାଯାଇଛି। କମିଟିରେ ସଭାପତି ଭାବେ ମକରଧ୍ବଜ ସାହୁ, ଉପସଭାପତି ଭାବେ ମହେଶ୍ବର ସାହୁ (ଟୁଟୁ,) ସମ୍ପାଦକ ଭାବେ ଅଶେଷ କୁମାର ସାହୁ, କୋଷାଧ୍ୟକ୍ଷ ଭାବେ ନିମାଇଁ ଚରଣ ସାହୁଙ୍କୁ ସର୍ବସମ୍ମତି କ୍ରମେ ମନୋନୀତ କରାଯାଇଛି। ତୈଳିକ ସମାଜର ମହିଳା ସଭାନେତ୍ରୀ ପ୍ରତିମା ସାହୁଙ୍କ ନେତୃତ୍ୱରେ ପ୍ରତ୍ୟେକ ପରିବାରରୁ ମାଆ ମାନେ ଯୋଗଦେଇ ବୋଇତ ବନ୍ଦାଣ ଉତ୍ସବକୁ ସଫଳ କରିବେ।
