ପାଟଣା : ଭିଜିଲାନ୍ସ ଜାଲରେ କେନ୍ଦୁଝର ଜିଲ୍ଲା ଘଟଗାଁ ବ୍ଲକ ଶିକ୍ଷାଧିକାରୀ ଅଭୟ କୁମାର ବେହେରା । ଘଟଗାଁ ବ୍ଲକ ଶିକ୍ଷାଧିକାରୀ ଅଭୟ କୁମାର ବେହେରା ୧୫ ହଜାର ଟଙ୍କା ଲାଞ୍ଚ ନେଉଥିବା ସମୟରେ ଆଜି ଭିଜିଲାନ୍ସ ହାତରେ ଧରାପଡିଛନ୍ତି । ବାଲେଶ୍ବର ଦୁର୍ନୀତି ନିବାରଣ ବିଭାଗ ଏସପିଙ୍କ ନିର୍ଦ୍ଦେଶକ୍ରମେ ଭଦ୍ରକ ଡିଏସପି ଏସ୍.କେ ସାମନ୍ତରାୟଙ୍କ ନେତୃତ୍ବରେ ତିନିଜଣ ଇନ୍ସିପେକ୍ଟରଙ୍କ ସହିତ ମିଳିତ ଚଢାଉ କରିଛନ୍ତି ।
ମିଳିଥିବା ସୂଚନା ଅନୁଯାୟୀ ଅଭୟ ୨୦୧୫ ବ୍ୟାଚ୍ ର ୩୩ ଜଣ ଶିକ୍ଷକଙ୍କ ବକେୟା ଦରମା ବିଲ୍ କରିଦେବା ପାଇଁ ୯୦ ହଜାର ଟଙ୍କା ଦାବି କରିଥିବା ବେଳେ ୬୦ ହଜାର ଟଙ୍କାରେ ଏହା ଡିଲ ହୋଇଥିଲା । ଯାହାଫଳରେ ଆଜି ଶିକ୍ଷକ କମଳାକାନ୍ତ ପଣ୍ଡାଙ୍କ ହାତରେ ତାଙ୍କୁ ଅଗ୍ରିମ ୧୫ ହଜାର ଟଙ୍କା ଲାଞ୍ଚ ଦିଆଯାଉଥିବା ସମୟରେ ଧରିଥିଲା ଭିଜିଲାନ୍ସ ଟିମ୍ । ବର୍ତ୍ତମାନ ପର୍ୟ୍ୟନ୍ତ ତିନୋଟି ସ୍ଥାନରେ ଯଥା ଘଟଗାଁ ବି.ଇ.ଓ କାର୍ୟ୍ୟାଳୟ ସମେତ ନିଜ ବାସଭବନ ଯାଜପୁର ଟାଉନ୍ ଏବଂ ପୈତୃକ ଗ୍ରାମ ବିଂଝାରପୁର୍ ଭିଜିଲାନ୍ସ ଟିମ୍ ଏକକାଳୀନ ଚଢାଉ ଜାରି ରଖିଛି ।
Comments are closed.