ପାଟଣା: ଆଜି ପାଟଣା ମଣ୍ଡଳ ବିଜେପି ପକ୍ଷରୁ ପାଟଣା କଲ୍ୟାଣ ମଣ୍ଡପ ଠାରେ ଦ୍ଵିତୀୟ ପରିବର୍ଦ୍ଧିତ କାର୍ଯ୍ୟକାରିଣୀ ବୈଠକ ମଣ୍ଡଳ ସଭାପତି ଅଭୟ କୁମାର ବେହେରାଙ୍କ ସଭାପତିତ୍ବରେ ଅନୁଷ୍ଠିତ ହୋଇଯାଇଅଛି। ମୁଖ୍ୟ ଅତିଥି ଭାବରେ ରାଷ୍ଟ୍ରୀୟ ଅନୁସୂଚିତ ଜନଜାତି ମୋର୍ଚ୍ଚା ସଦସ୍ୟ ତଥା ପାଟଣା ନିର୍ବାଚନ ମଣ୍ଡଳୀର ପୂର୍ବତନ ବିଧାୟକ ପ୍ରାର୍ଥୀ ଭବାନୀ ଶଙ୍କର ନାୟକ ଏବଂ ସମ୍ମାନିତ ଅତିଥି ଭାବରେ ଜିଲ୍ଲା ବିଜେପି ଉପ ସଭାପତି ଗୋପୀନାଥ ରାମ, ଜିଲ୍ଲା କାର୍ଯ୍ୟକାରିଣୀ ସଦସ୍ୟ ଗୌତମ ନାଏକ, ପୁର୍ବତନ ମଣ୍ଡଳ ସଭାପତି ପ୍ରହଲ୍ଲାଦ ପଲେଇ, ଜିଲ୍ଲା ବିଜେପି ଯୁବମୋର୍ଚ୍ଚା ସାଧାରଣ ସମ୍ପାଦକ ସବୀର କୁମାର ଦାଶ, ପୂର୍ବତନ ବଡ଼ପାଟଣା ସରପଞ୍ଚ ସୋମବାରୀ ମୁଣ୍ଡା, କୃଷକ ମୋର୍ଚ୍ଚା କୋଷାଧ୍ୟକ୍ଷ ଡମ୍ବରୁଧର ମହାନ୍ତ ପ୍ରମୁଖ ମଞ୍ଚାସୀନ ହୋଇ କାର୍ଯ୍ୟକ୍ରମରେ ଉଦବୋଧନ ଦେଇଥିଲେ।
ଆଗାମୀ ତ୍ରିସ୍ତରୀୟ ପଞ୍ଚାୟତ ନିର୍ବାଚନକୁ ଆଖି ଆଗରେ ରଖି ରାଜନୈତିକ ଆଲୋଚନା ମାନ ହେବା ସହିତ ନୂତନ ଭାବେ ଦାୟିତ୍ଵ ପାଇଥିବା ମଣ୍ଡଳ ବିଜେପି ଯୁବମୋର୍ଚ୍ଚା ସଦସ୍ୟଙ୍କୁ ପାଟଣା ମଣ୍ଡଳ ବିଜେପି ପକ୍ଷରୁ ସମ୍ବର୍ଦ୍ଧିତ କରାଯାଇଥିଲା। ଅନ୍ୟମାନଙ୍କ ମଧ୍ୟରେ ପାଟଣା ମଣ୍ଡଳ ବିଜେପି ଉପ ସଭାପତି ଅର୍ଜୁନ ଚରଣ ମହାନ୍ତ, ସଞ୍ଜୟ ପଲେଇ, ଲଳିତ ମୋହନ ଗିରି, ହରିଶ୍ ମହାନ୍ତ ପ୍ରମୁଖ ଉପସ୍ଥତ ରହି ବୈଠକକୁ ପରିଚାଳନା କରିଥିଲେ।
