ପାଟଣା: କେନ୍ଦୁଝର ଜିଲ୍ଲା ଅବକାରୀ ଅଧିକ୍ଷକ ସୀତାକାନ୍ତ ମୁଦୁଲିଙ୍କ ନିର୍ଦ୍ଦେଶ କ୍ରମେ ଆଜି ପାଟଣା ଅବକାରୀ ବିଭାଗ ପକ୍ଷରୁ ବିଭିନ୍ନ ସ୍ଥାନରେ ଚଢାଉ କରାଯାଇ ମୋଟ ୧୭ ଲିଟର ଚୋରା ମହୁଲି ମଦ ଜବତ କରାଯିବା ସହ ୨ ଜଣଙ୍କୁ ଗିରଫ କରାଯାଇଛି। ଗିରଫ ଦୁଇ ଜଣ ହେଲେ ଅଙ୍କୁରା ଗ୍ରାମର ପୂର୍ଣ୍ଣଚନ୍ଦ୍ର ନାଏକ(୩୫) ଓ କେନ୍ଦେଇପଶି ଗ୍ରାମର ନୀଳମଣି ବେହେରା(୪୨) ବୋଲି ଜଣାପଡିଛି। ଚଢ଼ାଉ ସମୟରେ ପୂର୍ଣ୍ଣଚନ୍ଦ୍ର ନାଏକଙ୍କ ଠାରୁ ୯ ଲିଟର ମହୁଲି ମଦ ଓ ନୀଳମଣି ବେହେରାଙ୍କ ଠାରୁ ୮ ଲିଟର ମହୁଲି ମଦ ଜବତ କରାଯାଇଛି। ଆଜି ଅପରାହ୍ନରେ ଅଭିଯୁକ୍ତ ଦୁଇଜଣଙ୍କୁ କୋର୍ଟ ଚାଲାଣ କରିଛି ଅବକାରୀ ବିଭାଗ। ଏହି ଚଢ଼ାଉରେ ପାଟଣା ଅବକାରୀ ଥାନା ଅଧିକାରୀ ଦିଲ୍ଲିପ କୁମାର ତାଣ୍ଡି, ଅବକାରୀ ଏଏସଆଇ ଜଗନ୍ନାଥ ଭିତିରିଆ, କନେଷ୍ଟବଳ ମିଥୁନ ଜେନା ଓ ଆରତୀ ବେହେରା ସାମିଲ ଥିଲେ।
Comments are closed.