ଥାନା ହାଜତରେ ଅଟକ ଥିବା ମହିଳାଙ୍କୁ ବିବସ୍ତ୍ର ହୋଇ ନାଚିବାକୁ କହିଲେ ପାକିସ୍ତାନି ମହିଳା ପୁଲିସ ଅଧିକାରୀ

କରାଚୀ: ପାକିସ୍ତାନ ଜଣେ ମହିଳା ପୁଲିସ ଅଧିକାରୀ ଥାନା ହାଜତରେ ଅଟକ ଥିବା ଜଣେ ମହିଳାଙ୍କୁ ବିବସ୍ତ୍ର ହୋଇ ନାଚିବାକୁ କହି ଏବେ ଅଡୁଆରେ ପଡିଯାଇଛନ୍ତି । ଜଣେ ବରିଷ୍ଠ ପୁଲିସ ଅଧିକାରୀ କହିଛନ୍ତି ଯେ ଦକ୍ଷିଣପଶ୍ଚିମ ବେଲୁଚିସ୍ତାନ ପ୍ରଦେଶ ଅନ୍ତର୍ଗତ କ୍ୱେଟାର ଜିନ୍ନା ସହରରୁ ଜଣେ ମହିଳାଙ୍କୁ ଏକ ଶିଶୁ ହତ୍ୟା ଅଭିଯୋଗରେ ଜେରା ପାଇଁ ଥାନାକୁ ଡକାଯାଇଥିଲା । ସେଠାରେ ଥିବା ମହିଳା ପୁଲିସ ନିରୀକ୍ଷକ ଉକ୍ତ ମହିଳା ପରୀ ଗୁଲଙ୍କୁ ଥାନା ହାଜତରେ ଅଟକ ରଖିଥିଲେ । ତେବେ ଥାନା ଅଧିକାରୀ ଜଣକ ମହିଳାଙ୍କୁ ବିବସ୍ତ୍ର ହୋଇ ନାଚିବାକୁ ବାଧ୍ୟ କରିଥିଲେ । ଅନ୍ୟ ଉପାୟ ନଦେଖି ମହିଳା ଜଣକ ଥାନା ମହିଳା ଅଧିକାରୀଙ୍କ ଆଦେଶ ପାଳନ କରିଥିଲେ । ସେହି ସମୟରେ ଥାନାେରେ ଅନ୍ୟ ପୁଲିିସ କର୍ମଚାରୀମାନେ ମଧ୍ୟ ଉପସ୍ଥିତ ଥିଲେ । ଏହି ଘଟଣା ଜଣାପଡିବା ପରେ ଏହାର ଉଚ୍ଚସ୍ତରୀୟ ତଦନ୍ତାଦେଶ ଦିଆଯିବା ସହିତ ଉକ୍ତ ମହିଳା ଅଧିକାରୀ ଶବାନାଙ୍କୁ ଚାକିରୀରୁ ବରଖାସ୍ତ କରାଯାଇଛି ।