ଚୌଦ୍ୱାର : ଶ୍ରୀ ଜଗନ୍ନାଥ ଭକ୍ତ ସମାଜ ପକ୍ଷରୁ ଆୟୋଜନ ହେବାକୁ ଥିବା ଶ୍ରୀ ଜଗନ୍ନାଥ ପଞ୍ଚରାତ୍ର ନିମନ୍ତେ ଏକ ପ୍ରସ୍ତୁତି ବୈଠକ ଶନିବାର ଅନୁଷ୍ଠିତ ହୋଇଯାଇଛି । ଭକ୍ତ ସମାଜ ସଭାପତି କୃଷ୍ନଚନ୍ଦ୍ର ମହାନ୍ତିଙ୍କ ସଭାପତିତ୍ୱରେ ଅନୁଷ୍ଠିତ ବୈଠକରେ ଆସନ୍ତା ଫେବୃୟାରୀ ୩ତାରିଖରୁ ୭ତାରିଖ ପର୍ଯ୍ୟନ୍ତ ସ୍ଥାନୀୟ ଆଗ୍ରାହାଟ ଗ୍ରାମ ପଞ୍ଚାୟତର ଉତ୍ତେରଶ୍ୱର ମନ୍ଦିର ପ୍ରାଙ୍ଗଣରେ ପଞ୍ଚରାତ୍ର ଅନୁଷ୍ଠିତ କରାଯିବ ବୋଲି ସ୍ଥିର କରାଯାଇଥିଲା। ଉପଦେଷ୍ଟା ବାବାଜୀ ମନ ମୋହନ ଦାସଙ୍କ ଉପସ୍ଥିତିରେ ଅନୁଷ୍ଠିତ ବୈଠକରେ ସଂପାଦକ ଶରତ କୁମାର ଖୁଣ୍ଟିଆ କାର୍ଯ୍ୟକ୍ରମ ଉପରେ ସୂଚନା ପ୍ରଦାନ କରି ସମସ୍ତଙ୍କ ସହଯୋଗ କାମନା କରିଥିଲେ । ସନ୍ତୋଷ କୁମାର ଧର, ନାରାୟଣ ସ୍ୱାଇଁ, ରମେଶ ବରାଳ,ସହଦେବ ବରାଳ, କୁନା ପଣ୍ଡା, ବିଶ୍ୱକଲ୍ୟାଣ ଦାସ, ପଞ୍ଚାନନ ନାୟକ,ବିମଳ ଚନ୍ଦ୍ର ବେଉରା,ସରପଞ୍ଚ ପ୍ରତିନିଧି ମୁନା ରାଉତ, ସମିତିସଭ୍ୟା ରୀତାରାଣୀ ରାଉତ, କୈଳାଶ ଚନ୍ଦ୍ର ପଣ୍ଡା, ମୀନକେତନ ପଣ୍ଡା, ପ୍ରଶାନ୍ତ ବେହେରା, ରାକ କିଶୋର ପ୍ରଧାନଙ୍କ ସମେତ ବହୁ ଜଗନ୍ନାଥ ପ୍ରେମୀ ଉପସ୍ଥିତ ରହି କାର୍ଯ୍ୟକ୍ରମକୁ ସରସ ସୁନ୍ଦର କରିବାକୁ ସୁଚିନ୍ତିତ ମତାମତ ପ୍ରଦାନ କରିଥିଲେ।
Comments are closed.