ଇସଲାମାବାଦ: ପାକିସ୍ତାନର ସୂଚନା ଓ ପ୍ରସାରଣ ମନ୍ତ୍ରୀ ଆତାଉଲ୍ଲା ତରାର୍ ସୋମବାର କେତେକ ସ୍ବଦେଶୀ ଓ ବିଦେଶୀ ଗଣମାଧ୍ୟମ ପ୍ରତିନିଧିଙ୍କୁ ଭାରତ ସଂଲଗ୍ନ ନିୟନ୍ତ୍ରଣ ରେଖା (ଏଲଓସି) ବୁଲାଇ ନେଇଥିବା ଜଣାପଡିଛି। ପାକିସ୍ତାନର ଅସଲ ଉଦ୍ଦେଶ୍ୟ ହେଉଛି, ପାକିସ୍ତାନ ସୀମାରେ ଆତଙ୍କବାଦୀ ସଂଗଠନଗୁଡିକ ସକ୍ରିୟ ରହିଛି ବୋଲି ଭାରତ ଯେଉଁ ଅଭିଯୋଗ କରିଆସୁଛି, ତାହାକୁ ଭୁଲ ପ୍ରମାଣିତ କରିବା। ଗସ୍ତ ସମୟରେ ଗଣମାଧ୍ୟମ ପ୍ରତିନିଧିମାନେ ସ୍ଥାନୀୟ ଲୋକଙ୍କ ସହ ଆଲୋଚନା କରିଥିବା ଜଣାପଡିଛି। ଭାରତ ଯାହାକୁ ଆତଙ୍କବାଦୀଙ୍କ ଆଡ୍ଡାସ୍ଥଳୀ ବୋଲି ଦାବି କରୁଛି, ପ୍ରକୃତରେ ସେଠାରେ ସାଧାରଣ ନାଗରିକ ବାସ କରୁଥିବା ପାକିସ୍ତାନ ସଫେଇ ଦେଇଛି। ଗଣମାଧ୍ୟମକୁ ପ୍ରତିକ୍ରିୟା ଦେଇ ଆତାଉଲ୍ଲା କହିଛନ୍ତି ଯେ ପାକିସ୍ତାନ ଏକ ଦାୟିତ୍ବ ସମ୍ପନ୍ନ ରାଷ୍ଟ୍ର। ଆଞ୍ଚଳିକ ଏବଂ ବିଶ୍ବସ୍ତରରେ ଶାନ୍ତି ପ୍ରତିଷ୍ଠା ନିମନ୍ତେ ପାକିସ୍ତାନ ସବୁବେଳେ ଉଦ୍ୟମ କରିଆସୁଥିବା ସେ କହିଛନ୍ତି। ସୂଚନାଯୋଗ୍ୟ ପହଲଗାଓଁ ଆକ୍ରମଣ ଘଟଣା ପରେ ପାକିସ୍ତାନ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଭାରତ ଜୋରଦାର ପ୍ରସ୍ତୁତି ଚଳାଇଛି। ଏହାକୁ ନେଇ ପାକିସ୍ତାନରେ ଏକପ୍ରକାର ଭୟର ବାତାବରଣ ସୃଷ୍ଟି ହୋଇଥିବାବେଳେ ପାକିସ୍ତାନର ଏକାଧିକ ମନ୍ତ୍ରୀ ଇତିମଧ୍ୟରେ ଭାରତ ଉପରେ ପରମାଣୁ ଆକ୍ରମଣ ଧମକ ମଧ୍ୟ ଦେଇସାରିଛନ୍ତି।
Popular Categories
Previous article
Next article