ଇସଲାମାବାଦ: ପାକିସ୍ତାନ ସରକାର ଦେଶରେ ଜାତୀୟ ଜରୁରୀ ପରିସ୍ଥିତି ଘୋଷଣା କରିଛନ୍ତି। ଦେଶରେ ବର୍ଷା ଜନିତ ବନ୍ୟା ବିତ୍ପାତ ଯୋଗୁଁ ୯୩୭ ଲୋକଙ୍କର ମୃତ୍ୟୁ ହେବା ଓ ୩ କୋଟି ଲୋକ ବାସହରା ହେବା ପରେ ଏହି ଜରୁରୀ ପରିସ୍ଥିତି ଘୋଷଣା କରାଯାଇଛି। ବନ୍ୟାରେ ସିନ୍ଧ୍ ପ୍ରଦେଶ ସର୍ବାଧିକ କ୍ଷତିଗ୍ରସ୍ତ ହୋଇଛି। ଏଠାରେ ୩୦୬ ଲୋକଙ୍କର ମୃତ୍ୟୁ ହୋଇଥିବା ଜାତୀୟ ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷ (ଏନଡିଏମ୍ଏ) କହିଛି। ସେହିପରି ବେଲୁଚିସ୍ତାନରେ ୨୩୪, ପଞ୍ଜାବରେ ୧୬୫ ଓ ଖାଇବର ପଖତୁନଖୱାରେ ୧୮୫ଜଣଙ୍କର ମୃତ୍ୟୁ ହୋଇଛି। ପାକିସ୍ତାନ ଅଧିକୃତ କାଶ୍ମୀରରେ ୩୪ ଓ ଗିଲଗିଟ ବଲଟିସ୍ତାନରେ ୯ଜଣଙ୍କର ମୃତ୍ୟୁ ହୋଇଛି। ଚଳିତ ଅଗଷ୍ଟ ମାସରେ ଦେଶରେ ୧୬୬ ମିମି ବର୍ଷା ହୋଇଥିବା ରେକର୍ଡ କରାଯାଇଛି। ସାଧାରଣତଃ ଅଗଷ୍ଟ ମାସରେ ହାରାହାରି ୪୮ମିମି ବର୍ଷା ହୋଇଥାଏ। ଜରୁରୀ ପରିସ୍ଥିତି ଘୋଷଣା ପରେ ଏନଡିଏମ୍ଏ ଦ୍ବାରା ୱାର ରୁମ୍ ଖୋଲାଯାଇ ରିଲିଫ କାର୍ଯ୍ୟକୁ ତ୍ବରାନ୍ବିତ କରାଯାଇଛି।
Popular Categories
Previous article
Next article