ଭୁବନେଶ୍ୱର : କଟକ – ଭୁବନେଶ୍ୱର ରାସ୍ତାରେ ପାହାଳ ଥାନା ନିକଟରେ ଆଜି ମଧ୍ୟାହ୍ନରେ ଏକ ମାଛ ବୋଝେଇ ଟ୍ରକ ଓଲଟି ପଡିଛି। ସୌଭାଗ୍ୟବଶତଃ ଏହି ଦୁର୍ଘଟଣାରେ ଟ୍ରକ ଚାଳକ ଓ ହେଲପର ଅଳ୍ପକେ ବର୍ତ୍ତି ଯାଇଛନ୍ତି। ଏହି ସମୟରେ ରାସ୍ତାରେ ପ୍ରାୟତଃ ଅଧିକ ଲୋକେ ଓ ଗାଡି ଯାତାୟତ କରୁନଥିବାରୁ ଏକ ବଡ ଧରଣର ବିପଦ ଟଳି ଯାଇଛି। ଟ୍ରକଟି ରାସ୍ତାର ସୌନ୍ଦର୍ଯ୍ୟକରଣ ପାଇଁ ଗଛ ଲଗାଇଥିବା ସ୍ଥାନରେ ଓଲଟି ପଡିଥିଲା। ଏହାସହ ରାସ୍ତାରେ ଖାଲ ହୋଇଥିବା ମଧ୍ୟ ଦେଖାଯାଇଛି। ସ୍ଥାନୀୟ ଲୋକଙ୍କ କହିବାନୁଯାୟୀ, ଅତ୍ୟଧିକ ଗରମ ସହ ଓଭର ଲୋଡିଂ ପାଇଁ ଚକା ଫାଟି ଯିବାରୁ ଟ୍ରକଟି ଦୁର୍ଘଟଣାଗ୍ରସ୍ତ ହୋଇଛି। ଦୁର୍ଘଟଣା ପରେ ଟ୍ରକଟି ଓଲଟି ପଡି ଥିଲେ ମଧ୍ୟ ମାଛ ସୁରକ୍ଷିତ ଥିବା ସହ କେହି ଲୋକେ ମାଛ ନେଇ ପାରି ନାହାଁନ୍ତି। ଖବର ପାଇ ପୁଲିସ ଓ ଉଦ୍ଧାରକାରୀ ଦଳ ଘଟଣା ସ୍ଥଳରେ ପହଞ୍ଚିଥିଲେ। ଦୁର୍ଘଟଣା ପରେ ଆମ୍ବୁଲାନ୍ସ ଆସି ପହଞ୍ଚିଥିଲା। ମାତ୍ର କେହି ଆହତ ହୋଇନଥିବାରୁ ପୁନଃ ଫେରି ଯାଇଥିଲା। ଦୁର୍ଘଟଣା ପରେ ଅନେକ ସମୟ ରାସ୍ତା ଜାମ୍ ହୋଇଥିବା ଦେଖାଯାଇଥିଲା। ଧିରେ ଧିରେ ଯାତାୟତ ସ୍ୱାଭାବିକ ହୋଇଥିଲା। ଟ୍ରକଟି ଆନ୍ଧ୍ରପ୍ରଦେଶରୁ କଲକାତା ଅଭିମୁଖେ ଯାଉଥିଲା ବୋଲି ସୂଚନା ମିଳିଛି।
Popular Categories
Previous article
Next article