ସ୍ୱାସ୍ଥ୍ୟ ପାଇଁ କମଳା ବେଶ ଉପକାରୀ।କମଳା ବ୍ୟତୀତ କମଳା ଚୋପାର ଖୁବ ଲାଭଦାୟକ ଗୁଣ ରହିଛି। କମଳା ଚୋପାକୁ ଗୁଣ୍ଡ କରି ବ୍ୟବହାର କରି ପାରିବେ। ଅନେକ ଆୟୁର୍ବେଦ ଔଷଧ ପ୍ରସ୍ତୁତ କରିବା ପାଇଁ ମଧ୍ୟ ଏହାକୁ ବ୍ୟବହାର କରାଯାଏ। କମଳା ପାଖୁଡା ସହ ଏହାର ଗୁଣ୍ଡରେ ଦଶ ଗୁଣା ଅଧିକ ଭିଟାମିନ ରହିଥାଏ। କମଳା ଚୋପା ସ୍ୱାସ୍ଥ୍ୟ ପାଇଁ ଖୁବ ଉପକାରୀ। ତେବେ ଜାଣନ୍ତୁ କିଭଳି ଏହାକୁ ଖାଦ୍ୟ ଓ ପାନୀୟରେ ସାମିଲ କରିବେ। ସେହିପରି ଏକ ସହଜ ଉପାୟ ହେଉଛି ଚା’।
ଆଜ୍ଞା ହଁ କମଳାକୁ ଆପଣ ଚା’ ପ୍ରସ୍ତୁତ କରି ବ୍ୟବହାର କରିପାରିବେ।କମଳା ଚା’ ପ୍ରସ୍ତୁତ କରିବା ପାଇଁ ପ୍ରଥମେ ଗ୍ୟାସରେ ଏକ ପାତ୍ର ବସାଇ ପାଣି ଗରମ କରନ୍ତୁ। ପାଣି ଫୁଟିବା ପରେ ଆଞ୍ଚ ବନ୍ଦ କରି ଦିଅନ୍ତୁ। ଏବେ କମଳା ଚୋପାକୁ ଏହି ପାଣିରେ ପକାନ୍ତୁ। ୧୦ ମିନିଟ ଯାଏଁ ଏହାକୁ ଢାଙ୍କୁଣୀ ଦେଇ ଘୋଡାନ୍ତୁ। ଏବେ ଏହାକୁ ଛାଣି ମହୁ ମିଶାଇ ପିଅନ୍ତୁ।
କମଳା ଚୋପା କୋଲେଷ୍ଟେରୋଲ୍ ସ୍ତରକୁ ନିୟନ୍ତ୍ରଣ କରି ରଖିଥାଏ। ଏହା କୋଷ୍ଠକାଠିନ୍ୟ ସମସ୍ୟା ଦୂର କରିଥାଏ। ଦୁଶ୍ଚିନ୍ତା ଦୂର କରିଥାଏ। ପାଚନକୁ ସୁସ୍ଥ ରଖିବାରେ ସହାୟକ ହୋଇଥାଏ। ଏସିଡିଟି ଦୂର କରିଥାଏ। ଓଜନ ହ୍ରାସ ସହ ହୃଦୟକୁ ସୁସ୍ଥ ରଖିଥାଏ। ହାଡକୁ ସୁସ୍ଥ ରଖିଥାଏ। ତ୍ୱଚାକୁ ଉଜ୍ଜ୍ୱଳ କରିଥାଏ।
Comments are closed.