ହରଭଙ୍ଗା : ହରଭଙ୍ଗା ଥାନା ଅର୍ନ୍ତଗତ ଛତ୍ରଙ୍ଗ ପଞ୍ଚାୟତର ମୁଣ୍ଡେଶ୍ୱର ସଂରକ୍ଷିତ ଜଙ୍ଗଲ ନିକଟରେ ବ୍ୟାପକ ଗଞ୍ଜେଇ ଚାଷ ସଂପର୍କରେ ଏକ ଖବର ଗତ ୨୬ତାରିଖ ‘ସମାଜ’ରେ ପ୍ରକାଶ ପାଇଥିଲା। ଖବର ପ୍ରକାଶ ପରେ ହରଭଙ୍ଗା ଥାନା ଆଇଆଇସି ନଳିନୀ ଦାସ ଘଟଣାସ୍ଥଳ ପରିଦର୍ଶନ କରିବା ସହିତ ଗୁରୁବାର ଗୋଟିଏ ପ୍ଲାଟୁନ ପୁଲିସ ଫୋର୍ସ ସହାୟତାରେ କୁଟିଗାଡୁ ଏବଂ ଆଡିପଦର ଜଙ୍ଗଲ ଜମିରେ ୧୦ ଏକର ଅଞ୍ଚଳରୁ ଗଞ୍ଜେଇ ଗଛ କଟାଯାଇଛି । ଯାହାର ଆନୁମାନିକ ମୂଲ୍ୟ ଲକ୍ଷାଧିକ ଟଙ୍କା ହେବ ବୋଲି ପୁଲିସ ପକ୍ଷରୁ ସୂଚନା ମିଳିଛି। ସୂଚନା ଥାଉ କି କଣ୍ଟାମାଳ, ବୌଦ୍ଧ ପରେ ଏବେ ହରଭଙ୍ଗା ବ୍ଲକର ବିଭିନ୍ନ ଆଭ୍ୟନ୍ତରୀଣ ଜଙ୍ଗଲ ଅଞ୍ଚଳରେ ବ୍ୟାପକ ଗଞ୍ଜେଇ ଚାଷ ହୋଇଥିବା ଜଣାପଡିଛି। ମାତ୍ର ଏଭଳି ବେଆଇନ ଗଞ୍ଜେଇ ଚାଷ ସର୍ମ୍ପକରେ ଆଗୁଆ କାହା ପାଖରେ ଖବର ନଥିବା ଘଟଣା ସାଧାରଣରେ ବଡ ପ୍ରଶ୍ନବାଚୀ ସୃଷ୍ଟି କରିଛି। ଏ ଦିଗରେ ପୁଲିସ,ଅବକାରୀ ଏବଂ ଜଙ୍ଗଲ ବିଭାଗ ସମନ୍ୱୟରେ ପଙ୍ଖାନୁପଙ୍ଖ ଆଲୋଚନା କରାଯାଇ ଏହାର ସମାଧାନ ଦିଗରେ ବିହିତ ପଦକ୍ଷେପ ଗ୍ରହଣ କରିବାକୁ ସାଧାରଣରେ ଦାବୀ ହେଉଛି ।
Popular Categories
Previous article
Next article