ସମାଜ ଡିଜିଟାଲ ଡେସ୍କ: ଦିନ ଆସିବ, ପାକିସ୍ତାନ ଅଧିକୃତ କାଶ୍ମୀର(ପିଓକେ) କହିବ ମୁଁ ଭାରତର। ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ସୋମବାର ଏପରି କହିଛନ୍ତି। ଭାରତ ପକ୍ଷରୁ କୌଣସି ସାମରିକ କାର୍ଯ୍ୟାନୁଷ୍ଠାନ ବିନା ଏହା ଘଟିବ ବୋଲି ରାଜନାଥ କହିଛନ୍ତି।
ରାଜନାଥ ମରୋକୋ ଗସ୍ତ କରିଥିବାବେଳେ ସେଠାରେ ଭାରତୀୟ ସମ୍ପ୍ରଦାୟଙ୍କ ସହିତ ଆଲୋଚନା ସମୟରେ ଏପରି ମନ୍ତବ୍ୟ ଦେଇଛନ୍ତି। ସେ କହିଥିଲେ, ପିଓକେବାସୀ ପାକିସ୍ତାନଠାରୁ ମୁକ୍ତି ପାଇବା ଲାଗି ଦାବି କରିଆସୁଛନ୍ତି। ଏହି ଦାବି ଦିନକୁ ଦିନ ବଢ଼ିବାରେ ଲାଗିଛି। ପିଓକେ ମନକୁ ମନ ଆମର ହେବ। ଆପଣମାନେ ଏପରି ସ୍ଳୋଗାନ ଶୁଣିଥିବେ। ଖାଇବର ପଖତୁନଖଓ୍ବାରେ ବୋମା ବିସ୍ଫୋରଣରେ ୨୪ ଜଣଙ୍କ ମୃତ୍ୟୁ ପରେ ରାଜନାଥ ଏହା କହିଛନ୍ତି।
