ଗୋପାଳପୁର: ଧାର ଟଙ୍କା ମାଗିବାରୁ ଯୁବକଙ୍କୁ ଆକ୍ରମଣ କରିବା ମାମଲାରେ ରବିବାର ଗୋଳନ୍ଥରା ଥାନା ପୁଲିସ ଅଭିଯୁକ୍ତ ଯୁବକକୁ ଗିରଫ କରି କୋର୍ଟ ଚାଲାଣ କରିଛି। ଗିରଫ ଅଭିଯୁକ୍ତ ହେଲେ ବି. ମନହରା ଗ୍ରାମର ପ୍ରଶାନ୍ତ ଗୌଡ଼(୪୦)। ସୂଚନା ଅନୁସାରେ, ଗୋଳନ୍ଥରା ଥାନା ଅଧୀନ କନିଷି ହାଟର ତ୍ରିନାଥ ସାସମଲ ଗତ କିଛି ମାସ ତଳେ ବି. ମନହାର ଗ୍ରାମ ମମତା ଗୌଡ଼ଙ୍କୁ ପାଞ୍ଚ ହଜାର ଟଙ୍କା ଦେଇଥିଲେ। କିଛି ଦିନ ପରେ ମମତା ୨୫ ଶହ ଟଙ୍କା ତ୍ରିନାଥକୁ ଫେରାଇ ଦେଇଥିଲେ। ବିଭିନ୍ନ ସମୟ ବାକି ରହିଥିବା ୨୫ ଶହ ଟଙ୍କାକୁ ତ୍ରିନାଥ ମାଗିଥିଲେ ମଧ୍ୟ ମମତା ଦେଉ ନ ଥିଲେ। ଗତ ୧୪ ତାରିଖ ସକାଳେ ତ୍ରିନାଥ ବି. ମନହରା ଗ୍ରାମକୁ ଯାଇ ମମତା ଓ ତାଙ୍କ ବାପା ରମେଶ ଗୌଡ଼ ସହ କଥା ହେଉଥିବା ବେଳେ ପ୍ରଶାନ୍ତ ଗୌଡ଼ କାତିରେ ତାଙ୍କୁ ଆକ୍ରମଣ କରି ରକ୍ତାକ୍ତ କରିଦେଇ ଘଟଣା ସ୍ଥଳରୁ ଚମ୍ପଟ ମାରିଥିଲେ। ଏ ନେଇ ତ୍ରିନାଥଙ୍କ ସ୍ତ୍ରୀ ଗୋଳନ୍ଥରା ଥାନାରେ ଲିଖିତ ଅଭିଯୋଗ କରିଥିଲେ। ପୁଲିସ ଏକ ମାମଲା(୧୧୧/୨୫) ରୁଜୁ କରି ତଦନ୍ତ କରି ରବିବାର ପ୍ରଶାନ୍ତକୁ ଗ୍ରାମରୁ ଗିରଫ କରି ସନ୍ଧ୍ୟାରେ କୋର୍ଟ ଚାଲାଣ କରିଛି।
Popular Categories
Previous article
Next article