ରାୟଗଡ଼ା: ରାୟଗଡ଼ା ଜିଆରପି ରାୟଗଡ଼ା ରେଳ ଷ୍ଟେସନର ଏକ ନମ୍ବର ପ୍ଲାଟଫର୍ମରୁ ଜଣେ ଗଞ୍ଜେଇ ଚାଲାଣକାରୀକୁ ଗିରଫ କରିଛି। ଅଭିଯୁକ୍ତ ହେଲେ ଉତ୍ତରପ୍ରଦେଶର ରୋହିତ କୁମାର(୨୨)। ରବିବାର ସକାଳେ ଜିଆରପି ଓ ଆରପିଏଫ ପୁଲିସ ସନ୍ଧାନୀ କୁକୁର ସହାୟତାରେ ପ୍ଲାଟଫର୍ମରେ ଯାଞ୍ଚ କରୁଥିବା ବେଳେ ଜଣେ ଯୁବକଙ୍କୁ ସନ୍ଦେହରେ ଅଟକ ରଖି ତାଙ୍କ ବ୍ୟାଗ ତନଖି କରିଥିଲା। ଯାଞ୍ଚ ବେଳେ ବ୍ୟାଗରୁ ୧୫ କିଲୋ ୮୦୦ ଗ୍ରାମ ଗଞ୍ଜେଇ ମିଳିଥିଲା। ଜବତ ଗଞ୍ଜେଇର ମୂଲ୍ୟ ଦେଢ ଲକ୍ଷ ଟଙ୍କାରୁ ଅଧିକ ହେବ ବୋଲି ଜିଆରପି ସୂତ୍ରରୁ ପ୍ରକାଶ। ଚଢାଉରେ ଜିଆରପି ଥାନା ଅଧିକାରୀ ବିଜୟ କୁମାର ବେକ୍, ଏସଆଇ ସନ୍ତୋଷ କୁମାର ପଣ୍ଡା, ଏଏସଆଇ ମାନିକ ଚନ୍ଦ୍ର ଗୌଡ, ଆରପିଏଫ ଏସଆଇ ସରୋଜ କୁମାର ବାରିକ ପ୍ରମୁଖ ସାମିଲ ଥିଲେ।
Comments are closed.