ଭୁବନେଶ୍ବର: କରୋନାର ଦ୍ବିତୀୟ ଲହରକୁ ପ୍ରତିହତ କରିବା ପାଇଁ ଅମାନିଆଙ୍କୁ ସାବାଡ୍ କରିବା ଏବଂ ରାଜ୍ୟରେ କୋଭିଡ୍ କଟକଣା କଡ଼ାକଡ଼ି ଭାବେ ପାଳନ ଲାଗି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପୁଲିସ ଡିଜିଙ୍କୁ ନିର୍ଦେଶ ଦେଇଥିଲେ। ମୁଖ୍ୟମନ୍ତ୍ରୀ ଏକ ଉଚ୍ଚସ୍ତରୀୟ ସମୀକ୍ଷା ବୈଠକ ପରେ ୧୦ଦିନ ପର୍ଯ୍ୟନ୍ତ କୋଭିଡ୍ ନିୟମ କଡ଼ାକଡ଼ି ଭାବେ ପାଳନ କରିବାକୁ ନିର୍ଦେଶ ଜାରି କରିଥିଲେ। ଆବଶ୍ୟକସ୍ଥଳେ ଅଧିକ ପୁଲିସ ନିୟୋଜିତ କରିବାକୁ କହିଥିଲେ। ଏହି ପରିପ୍ରେକ୍ଷୀର ପୁଲିସ ଡିଜିଙ୍କ ପକ୍ଷରୁ ରାଜ୍ୟରେ ସ୍ପେଶାଲ୍ ଡ୍ରାଇଭ୍ ଚାଲିଛି। ଆଜି କରୋନା ଅମାନିଆଙ୍କଠାରୁ ଦିନକରେ ୨୫ଲକ୍ଷ ୭୯୦୦ଟଙ୍କା ଜରିମାନା ଆଦାୟ କରିଥିବା ଜଣାପଡ଼ିଛି।
ଓଡ଼ିଶା ପୁଲିସ ପକ୍ଷରୁ ଟ୍ବିଟ୍ କରି ସୂଚନା ଦିଆଯାଇଛି ଯେ ଓଡ଼ିଶା ପୁଲିସ ପକ୍ଷରୁ ଚାଲିଥିବା ସ୍ପେଶାଲ୍ ଡ୍ରାଇଭ୍ର ପ୍ରଥମ ଦିନରେ ମାସ୍କ ଓ ସାମାଜିକ ଦୂରତା ଉଲ୍ଲଙ୍ଘନକାରୀ ୯୪୦୦ଜଣଙ୍କଠାରୁ ଜରିମାନା ଆଦାୟ କରାଯାଇଛି। ୨୪ଘଣ୍ଟାରେ ମୋଟ ୨୫ଲକ୍ଷ ୭୯୦୦ଟଙ୍କା ଜରିମାନା ଆଦାୟ ହୋଇଛି। ରାଜ୍ୟରେ ସ୍ପେଶାଲ୍ ଡ୍ରାଇଭ୍ରେ ମୋଟ ୧୩୬ ପ୍ଲାଟୁନ୍ ଫୋର୍ସ ନିୟୋଜିତ ହୋଇଛନ୍ତି। କରୋନାର ଦ୍ୱିତୀୟ ଲହର ବଢ଼ୁଥିବାର ଦେଖି ଓଡ଼ିଶା ପୁଲିସ୍ ଅଧିକ ସଜାଗ ହୋଇଛି। ଯେଉଁମାନେ କୋଭିଡ୍ ନିୟମ ଉଲ୍ଲଙ୍ଘନ କରୁଛନ୍ତି, ସେମାନଙ୍କଠାରୁ ଜୋରିମାନା ଆଦାୟ କରାଯାଉଛି। ଏହିକ୍ରମରେ ଗତ ୨୪ ଘଣ୍ଟା ଭିତରେ ଓଡ଼ିଶା ପୁଲିସ୍ ୨୫ଲକ୍ଷରୁ ଅଧିକ ଟଙ୍କାର ଜୋରିମାନା ଆଦାୟ କରାଯାଇଛି ବୋଲି ସୂଚନା ଦିଆଯାଇଛି।
On first day of the special Covid enforcement drive, Odisha Police acted against 9400 violators of mask usage and social distancing rules and collected fine of Rs. 25,07,900/- in last 24 hours. pic.twitter.com/RXg4FiAR7a
— Odisha Police (@odisha_police) April 8, 2021
136 platoon force have been engaged in the entire State to intensify Covid enforcement measures. District SsP/ DCsP and senior officers leading the drive. We urge all to observe Covid appropriate behaviour.
— Odisha Police (@odisha_police) April 8, 2021
