ଜଳେଶ୍ୱର : ବାଲେଶ୍ୱର ଜିଲା ଅନ୍ତର୍ଗତ ୬୦ନମ୍ବର ଜାତୀୟ ରାଜପଥ ଜମାଲପୁର ନିକଟରେ ସଡ଼କ ଦୁର୍ଘଟଣା ଘଟିଥିବା ନେଇ ଶନିବାର ଖବର ମିଳିଛି। ଏକ ସ୍କୁଟିକୁ ଏକ କୁରକୁରେ ଭର୍ତି କଣ୍ଟେନର ଧକ୍କା ଦେବା ପରେ କଣ୍ଟେନରଟି ଜଳିଯାଇଛି। ଏହାସହ ସ୍କୁଟି ଚାଲକ ଲକ୍ଷ୍ମୀଧର ପାତ୍ରଙ୍କର ମୃତ୍ୟୁ ହୋଇଛି। ତାଙ୍କ ଘର ପଶ୍ଚିମବଙ୍ଗର ସୋନାକଣିଆ ଅଂଚଳରେ ହୋଇଥିଲା ବେଳେ ସେ ଜଳେଶ୍ୱର ନୂଆବଜାରରେ ଭଡାରେ ରହୁଥିଲେ। ଅନ୍ୟ ୨ ଜଣଙ୍କୁ ସୁରକ୍ଷିତ ଉଦ୍ଧାର କରାଯାଇଛି। କଣ୍ଟେନର ଚାଳକ ଓ ହେଲପରକୁ ସୁରକ୍ଷିତ ଉଦ୍ଧାର କରାଯାଇଛି। ଗତକାଲି ବିଳମ୍ବିତ ରାତିରେ ଏହି ଦୁର୍ଘଟଣା ଘଟିଛି। ଖବର ପାଇ ଅଗ୍ନିଶମ କର୍ମଚାରୀ ଓ ପୁଲିସ ଘଟଣାସ୍ଥଳରେ ପହଞ୍ଚିବା ସହ ସ୍ଥାନୀୟ ଲୋକେ, ଅଗ୍ନିଶମ ବାହିନୀ ନିଆଁକୁ ଆୟତ୍ତ କରିଥିଲେ।
ଜାତୀୟ ରାଜପଥରେ ବାଲେଶ୍ୱର ଅଭିମୁଖେ କଣ୍ଟେନର ଯାଉଥିଲା ବେଳେ ସ୍କୁଟି ସହ ଧକ୍କା ହେବାରୁ କଣ୍ଟେନରରେ ନିଆଁ ଲାଗିଯାଇଥିଲା। ସ୍କୁଟିକୁ କଣ୍ଟେନର ଘୋଷାଡ଼ି ନେଇ ଯାଇଥିବାରୁ ଅଗ୍ନି କାଣ୍ଡ ଘଟିଥିବା କୁହାଯାଇଛି। କଣ୍ଟେନରରେ ଥିବା କୁରକୁରେ ପୋଡି ପାଉଁଶ ହୋଇଛି। ଜଳେଶ୍ୱର ପୁଲିସ ଏଥିନେଇ ଏକ ମାମଲା ରୁଜୁ କରିଛି।
Comments are closed.