ନୂଆଦିଲ୍ଲୀ : ଓଲା ଇଲେକ୍ଟ୍ରିକ୍ ଗିଗ୍ ଏବଂ ଏସଓ୍ବାନ୍ ଜେଡ୍ ସିରିଜର ସ୍କୁଟର ବଜାରକୁ ନେଇଆସିଛି । ଏଥିରେ ଗିଗ୍, ଗିଗ୍ ପ୍ଲସ୍, ଏସଓ୍ବାନ୍ ଜେଡ୍ ଏବଂ ଏସଓ୍ବାନ୍ ଜେଡ୍ ପ୍ଲସର ଦାମ୍ ଯଥାକ୍ରମେ ୩୯,୯୯୯ ଟଙ୍କା, ୪୯,୯୯୯ ଟଙ୍କା, ୫୯,୯୯୯ ଟଙ୍କା ଏବଂ ୬୪,୯୯୯ ଟଙ୍କା ଏକ୍ସ-ଶୋରୁମ୍ ଦାମ୍ ରହିଛି । ଚଳିତ ମାସ ଶେଷ ସୁଦ୍ଧା ଏହାର ବିକ୍ରି ଆରମ୍ଭ ହେବ ।
ଓଲା ଗିଗ୍
ଓଲା ଗିଗ୍ ସ୍କୁଟର ଖାସ୍ କରି ସହରରେ ଖାଦ୍ୟ ଡେଲିଭରୀ କିମ୍ବା ଅନ୍ୟ କୌଣସି ସାମଗ୍ରୀ ଡେଲିଭରୀ କାର୍ଯ୍ୟ କରୁଥିବା କର୍ମୀଙ୍କ ପାଇଁ ପ୍ରସ୍ତୁତ ହୋଇଛି । ଏଥିରେ ପର୍ଯ୍ୟାପ୍ତ ସାମଗ୍ରୀ ଲୋଡ୍ କରିବା ସହ ଅଧିକ ମାଇଲେଜ୍ ମଧ୍ୟ ପାଇହେବ । ଏହାର ସର୍ବାଧିକ ସ୍ପିଡ୍ ୨୫ କିଲୋମିଟର ପ୍ରତି ଘଣ୍ଟା । ଏଥିରେ ୧୧୨ କିଲୋମିଟର ଯାତ୍ରା କରିହେବ । ୧.୫ କିଲୋଓ୍ବାଟର ବ୍ୟାଟେରୀ ଏଥିରେ ମିଳିବା ସହ ଗାଡିର ଦାମ୍ ୩୯,୯୯୯ ଟଙ୍କା ।
ଗିଗ୍ ପ୍ଲସ୍
ଏହାର ସର୍ବାଧିକ ସ୍ପିଡ୍ ୪୫ କିଲୋମିଟର ପ୍ରତି ଘଣ୍ଟା । ଥରେ ଚାର୍ଜ କଲେ ଏଥିରେ ୮୧ କିଲୋମିଟର ଯାତ୍ରା କରିହେବ । ୨ଟି ବ୍ୟାଟେରୀ ଦ୍ବାରା ୧୫୭ କିଲୋମିଟର ଯାତ୍ରା କରିହେବ । ଏହାର ଦାମ୍ ୪୯,୯୯୯ ଟଙ୍କା ରଖିଛି କମ୍ପାନୀ ।
ଏସ୍ ଓ୍ବାନ୍ ଜେଡ୍
ଗୋଟିଏ ବ୍ୟାଟେରୀ ଦ୍ବାରା ଏଥିରେ ୭୫ କିଲୋମିଟର ଯାତ୍ରା କରିହେବ । ୨ଟି ବ୍ୟାଟେରୀ ଦ୍ବାରା ଏଥିରେ ୧୪୬ କିଲୋମିଟର ଯାତ୍ରା କରିହେବ । ଏହାର ସର୍ବାଧିକ ସ୍ପିଡ୍ ୭୦ କିଲୋମିଟର ପ୍ରତି ଘଣ୍ଟା । ଏହାର ଏକ୍ସ ଶୋରୁମ୍ ଦାମ୍ ୫୯,୯୯୯ ଟଙ୍କା ।
ଏସଓ୍ବାନ୍ ଜେଡ୍ ପ୍ଲସ୍
ଏହାର ସର୍ବାଧିକ ସ୍ପିଡ୍ ୭୦ କିଲୋମିଟର ପ୍ରତି ଘଣ୍ଟା । ଏଥିରେ ମାତ୍ର ୧.୮ ସେକେଣ୍ଡରୁ ଶୂନ୍ୟରୁ ୪୦ କିଲୋମିଟର ପ୍ରତି ଘଣ୍ଟା ସ୍ପିଡ୍ ଧରିହେବ । ଏହାକୁ ଥରେ ଚାର୍ଜ କଲେ ୧୪୬ କିଲୋମିଟର ଯାତ୍ରା କରିହେବ । ଏହାର ଏକ୍ସ ଶୋରୁମ୍ ଦାମ୍ ୬୪,୯୯୯ ଟଙ୍କା ରଖିଛି କମ୍ପାନୀ ।
