ନୂଆଦିଲ୍ଲୀ : ଇଲେକ୍ଟ୍ରିକ୍ ସ୍କୁଟର ପ୍ରସ୍ତୁତ କରୁଥିବା କମ୍ପାନୀ ଓଲା ଇଲେକ୍ଟ୍ରିକର ଆଇପିଓ ଖୋଲିଛି । ୨ ଅଗଷ୍ଟରେ ଏହି ଆଇପିଓ ସଦସ୍ୟତା ପାଇଁ ଖୋଲିଥିଲା । ଏହି ଆଇପିଓରେ ଏବେବି ନିବେଶ କରିବା ପାଇଁ ସମୟ ରହିଛି । ଯଦି ଆପଣ ଏଥିରେ ଆଗ୍ରହୀ ଅଛନ୍ତି ତେବେ ୬ ଅଗଷ୍ଟ ସୁଦ୍ଧା ନିବେଶ କରିପାରିବେ । ଏହି ଆଇପିଓର ପ୍ରାଇସ୍ ବ୍ୟାଣ୍ଡ୍ ୭୨ ଟଙ୍କାଠୁ ୭୬ ଟଙ୍କା ସୁଦ୍ଧା ନିର୍ଦ୍ଧାରିତ କରାଯାଇଛି ।
ଭାବିଶ ଅଗ୍ରଓ୍ବାଲଙ୍କ କମ୍ପାନୀ ଓଲା ଇଲେକ୍ଟ୍ରିକର ଆଇପିଓକୁ ଅନେକ ସମୟ ଧରି ନିବେଶକ ପ୍ରତୀକ୍ଷା କରିଥିଲେ । ଗତ ୨୭ ଜୁଲାଇରେ ଏହା ଖୋଲିବା ନେଇ ସୂଚନା ମିଳିଥିଲା । କମ୍ପାନୀ ତରଫରୁ ୧୯୫ ସେୟାରର ଲଟ୍ ସାଇଜ୍ ନିର୍ଦ୍ଧାରିତ କରାଯାଇଛି । ଅର୍ଥାତ୍ ଆପଣଙ୍କୁ ସର୍ବନିମ୍ନ ପ୍ରାୟ ୧୪,୮୨୦ ଟଙ୍କା ନିବେଶ କରିବାକୁ ହେବ ।
ଓଲା ଇଲେକ୍ଟ୍ରିକ୍ ଆଇପିଓକୁ ନିବେଶକଙ୍କ ଭଲ ପ୍ରତିକ୍ରିୟା ମିଳୁଛି । ବର୍ତ୍ତମାନ ସୁଦ୍ଧା ୩୮ ପ୍ରତିଶତ ସବସ୍କ୍ରିପ୍ସନ ମିଳିଛି । ୨ରୁ ୬ ଅଗଷ୍ଟ ସୁଦ୍ଧା ବୋଲି ମିଳିବା ପରେ କମ୍ପାନୀର ସେୟାରର ଆବଣ୍ଟନ ୭ ଅଗଷ୍ଟ, ଯଦିଓ ବୋଲି ଲଗାଇଥିବା ନିବେଶକଙ୍କ ଡିମେଟ୍ ଖାତାକୁ ସେୟାର ୮ ଅଗଷ୍ଟକୁ ଆସିପାରେ । କମ୍ପାନୀ ତରଫରୁ ସେୟାର ବଜାରରେ ଉଭୟ ଷ୍ଟକ୍ ଏକ୍ସଚେଞ୍ଜ ବିଏସଇ ଓ ଏନଏସଇରେ ତାଲିକାଭୁକ୍ତ ପାଇଁ ତାରିଖ ୯ ଅଗଷ୍ଟ ନିର୍ଦ୍ଧାରିତ କରାଯାଇଛି ।
Comments are closed.