ପାଟଣା : କେନ୍ଦୁଝର ଜିଲ୍ଲା ଘଟଗାଁ ବ୍ଲକ ଢେଙ୍କିକୋଟ ନାୟକ ସାହିରେ ଗତକାଲି ଅପରାହ୍ନରେ ପ୍ରବଳ ବର୍ଷା ଯୋଗୁଁ ସାହିର ଜାନକୀ ନାୟକଙ୍କ ଘର ଭାଙ୍ଗି ଯାଇଛି। ପରିବାର ଲୋକେ ଅଳ୍ପକେ ବଡ ଦୁର୍ଘଟଣାରୁ ବର୍ତ୍ତି ଯାଇଛନ୍ତି। ଅପରାହ୍ନରେ ପ୍ରବଳ ବର୍ଷା ଯୋଗୁଁ ଘର ଅଗଣାରେ ପାଣି ଭର୍ତ୍ତି ହୋଇ ଯାଇଥିଲା । ଫଳରେ ମାଟି ଧସି ଖୁଣ୍ଟ ଉପୁଡ଼ି ଯାଇ ଘରଟି ଭାଙ୍ଗି ଯାଇଥିଲା । ଘରଟି ମାଟି କାନ୍ଥରେ ତିଆରି ହୋଇଥିବାବେଳେ ଏହାର କାନ୍ଥର ବିଭିନ୍ନ ସ୍ଥାନରେ ଫାଟ ସୃଷ୍ଟି ଦୁର୍ବଳ ହୋଇପଡିଛି। ଏହି ପରିବାରଟି ଅତ୍ୟନ୍ତ ଗରିବ ଦିନ ମଜୁରିଆ ଶ୍ରେଣୀର ହୋଇଥିବାରୁ ଘର ତିଆରି କରିବା ପାଇଁ ସକ୍ଷମ ନଥିବା ବେଳେ ଏବେ ଘର ଭାଙ୍ଗି ଯିବା କାରଣରୁ ଅସହାୟ ହୋଇ ପଡିଛନ୍ତି। ଏଣୁ ତୁରନ୍ତ ସରକାରୀ ସହାୟତା ଯୋଗାଇ ଦେବାକୁ ଦାବି ହୋଇଛି।
Comments are closed.